सनराइज बैंकले साइकल र्‍याली र रक्तदान गरेर मनायाे १५औं वार्षिक उत्सव

मुख्य समाचार

गृहपृष्ठ
मुख्य समाचार

सनराइज बैंकले साइकल र्‍याली र रक्तदान गरेर मनायाे १५औं वार्षिक उत्सव

क्यापिटल नेपालआइतबार, असोज ९, २०७९

काठमाडाैं। सनराइज बैंकले स्थापनाको १५औं वर्ष पूरा गरेको छ । बैंकले विभिन्न कार्यक्रम गरेकाे आयाेजना गरेर वार्षिक उत्सव मनाएकाे छ। साेही क्रममा बैंकले आइतबार (आज) रक्तदान कार्यक्रमकाे आयाेजना गरेकाे हाे।

यस्तै बैंकले शनिबार साइकल र्‍याली गरेको छ। 'स्वच्छ वातावरण स्वस्थ जीवन' भन्ने नाराका साथ आयोजित उक्त कार्यक्रम गैरिधारास्थित सनराइज बैंकको प्रधान कार्यालयबाट सुरु भएकाे थियाे। र्‍याली काठमाडौं र ललितपुरका विभिन्न टोल हुँदै पुन: प्रधान कार्यालयमै आएर टुंगिएकाे थियाे।

कार्यक्रममा ३ सय ५० जना भन्दा बढीको सहभागिता थियाे। र्‍यालीले वातावरण संरक्षण र स्वस्थ रूपमा जीवन बाच्नुपर्छ भन्ने सन्देश दिएको बैंकले जनाएकाे छ।

बैंकले वार्षिक उत्सवकाे अवसरमा विभिन्न सामाजिक तथा अन्य कार्यक्रम गरिरहेकाे छ। बैकले ८ लाख भन्दा बढी ग्राहकहरुलाई १३९ वटा शाखा, ९७ वटा शाखा रहित बैंकिङ, १३ वटा एक्सटेन्सन काउन्टर र १५९ वटा एटिएम वाट सेवा प्रधान गर्दै आएको छ।

प्रकाशित मिति: आइतबार, असोज ९, २०७९ २०:१३

प्रतिक्रिया दिनुहोस्