हिमालयले गौतमबुद्ध अन्तर्राष्ट्रिय विमानस्थलबाट मलेसिया ‘चार्टर’ उडान गर्ने

मुख्य समाचार

गृहपृष्ठ
मुख्य समाचार

हिमालयले गौतमबुद्ध अन्तर्राष्ट्रिय विमानस्थलबाट मलेसिया ‘चार्टर’ उडान गर्ने

क्यापिटल नेपालमंगलबार, कात्तिक १५, २०७९

काठमाडौं। नेपाल–चीन संयुक्त लगानीको अन्तर्राष्ट्रिय वायुसेवा कम्पनी हिमालय एयरलाइन्सले भैरहवास्थित गौतमबुद्ध अन्तर्राष्ट्रिय विमानस्थलबाट यात्रुवाहक ‘चार्टर’ उडान गर्ने भएको छ।

हिमालयले यात्रुवाहक चार्टर उडान सञ्चालन गर्न मुलुकको उड्डयन क्षेत्रको नियामक निकाय नेपाल नागरिक उड्डयन प्राधिकरणसँग अनुमति मागेको छ।

हिमालयले कात्तिक १७ देखि २४ (नोभेम्बर ३ देखि १०) सम्म दैनिक एक यात्रुवाहक चार्टर उडान गर्न प्राधिकरणसँग अनुमति मागेको हो। हिमालयले भैरहवाबाट मलेसियाको क्वालालम्पुरका लागि चार्टर उडान अनुमति मागेको हो।

हिमालयले काठमाडौंबाट क्वालालम्पुर गएर भैरहवा फर्किने तथा पुनः भैरहवाबाट क्वालालम्पुर गएर काठमाडौं फर्किने गरी उडान तालिका स्वीकृत गरिदिन प्राधिकरणसँग अनुमति मागेको हो।

उड्डयन प्राधिकरणले त्रिभुवन अन्तर्राष्ट्रिय विमानस्थललाई आधार गरी नियमित अन्तर्राष्ट्रिय उडान गरिरहेका हिमालय र नेपाल वायुसेवा निगमलाई भैरहवास्थित गौतमबुद्ध अन्तर्राष्ट्रिय विमानस्थलबाट उडान गर्न यसअघि नै आग्रह गरेको थियो।

प्रकाशित मिति: मंगलबार, कात्तिक १५, २०७९ १५:२६

प्रतिक्रिया दिनुहोस्