पोखरा अन्तर्राष्ट्रिय विमानस्थलको ग्राउन्ड ह्यान्डलिङ निगमलाई नदिने, प्राधिकरण आफैंले गर्ने

मुख्य समाचार

गृहपृष्ठ
मुख्य समाचार

पोखरा अन्तर्राष्ट्रिय विमानस्थलको ग्राउन्ड ह्यान्डलिङ निगमलाई नदिने, प्राधिकरण आफैंले गर्ने

क्यापिटल नेपालबिहीबार, कात्तिक १७, २०७९

भैरहवा । नेपाल नागरिक उड्डयन प्राधिकरणका महानिर्देशक प्रदिप अधिकारीले पोखरा अन्तर्राष्ट्रिय विमानस्थलको ग्राउन्ड ह्यान्डलिङको जिम्मा नेपाल वायुसेवा निगमलाई नदिने घोषणा गरेका छन्।

गौतम बुद्ध अन्तर्राष्ट्रिय विमानस्थलमा आयोजित पत्रकार सम्मेलनमा बोल्दै महानिर्देशक अधिकारीले पोखरा विमानस्थलको ग्राउन्ड ह्यान्डलिङको काम प्राधिकरण आफैंले गर्ने घोषणा गरेका हुन्।

यसअघि पोखराको ग्राउन्ड ह्यान्डलिङको जिम्मेवारी निगमलाई दिएको थियो। तर, निगमले दिने सेवामा गुणस्तरमा प्रश्न उठिरहेकाले पोखराको जिम्मेवारी खोस्ने घोषणा गरेका हुन्।

ग्राउन्ड ह्यान्डलिङको काम प्राधिकरणले गर्ने अधिकार रहेकाले त्यसको अधिकार प्रयोग गर्ने महानिर्देशक अधिकारीको भनाइ छ। गौतम बुद्ध विमानस्थलबाट हवाई उडान गर्न निगमले आनाकानी गरेसँगै प्राधिकरण र निगमबीच सम्बन्ध चिसिएको छ। महानिर्देशक अधिकारीले जहाज नउठाउने तर ग्राउन्ड ह्यान्डलिङको काम मात्र गर्छु भन्ने अधिकार निगमसँग नरहेको बताए।

प्रकाशित मिति: बिहीबार, कात्तिक १७, २०७९ १५:४८

प्रतिक्रिया दिनुहोस्