महालक्ष्मी बैंकका ग्राहकलाई विभिन्न संस्थाका सेवामा १० देखि २५ प्रतिशतसम्म छुट

मुख्य समाचार

गृहपृष्ठ
मुख्य समाचार

महालक्ष्मी बैंकका ग्राहकलाई विभिन्न संस्थाका सेवामा १० देखि २५ प्रतिशतसम्म छुट

क्यापिटल नेपाल मंगलबार, कात्तिक २९, २०७९

काठमाडाैं । महालक्ष्मी विकास बैंकले रेष्टुरेन्ट, आयुर्वेद, श्रृगार, स्वास्थ्यलगायतका क्षेत्रसँग समन्वय गरी अगाडि बढ्ने अभिप्रायका साथ काठमाडौंका विभिन्न स्थानमा अवस्थित संस्थाहरूसँग सम्झौता गरेको छ ।

सम्झौतापश्चात् महालक्ष्मी विकास बैंकका डेविड कार्ड तथा मोबाइल बैंकिङ प्रयोग गर्ने ग्राहकहरुले साे संस्थाहरुका विभिन्न सेवाहरुमा विशेष छुट प्राप्त गर्न सक्नेछन् ।

साे बैंकका ग्राहकहरुले दी हिमालयन ग्रिल बाइ बाजेकोका सबै सेवामा १५ प्रतिशत छुट पाउनेछन्। यस्तै, कुन्दलिनी आयुर्वेदमा अधिकतम २० प्रतिशत, सुबाकी ब्युटी सलुनमा १० प्रतिशत, अपुलेन्स एस्थेटिक्समा १० प्रतिशत र क्रिस्टल डायगोनोस्टिकमा अधिकतमा २५ प्रतिशत छुट पाउने बैंकले जनाएको छ।

यस किसिमको सहकार्यबाट बैंकका डेविट कार्ड तथा मोबाइल बैंकिङ प्रयोग गर्ने ग्राहकहरु लाभान्वित हुने विश्वास बैंकले लिएको छ ।

यसका साथसाथै डिजिटल युगसँग नेपाली जनतालाई साक्षातकार गराउने उद्देश्यले बैकले विभिन्न शाखाहरुबाट वित्तीय जनचेतनामूलक कार्यक्रमहरु सञ्चालन गर्दै आएको छ ।

प्रकाशित मिति: मंगलबार, कात्तिक २९, २०७९ १३:३५

प्रतिक्रिया दिनुहोस्