सडक विभागको नयाँ भवन बनाउन शुक्रबार आर्थिक प्रस्ताव आह्वान हुने

मुख्य समाचार

गृहपृष्ठ
मुख्य समाचार

सडक विभागको नयाँ भवन बनाउन शुक्रबार आर्थिक प्रस्ताव आह्वान हुने

क्यापिटल नेपाल बुधबार, मंसिर १४, २०७९

काठमाडौं। सडक विभागको नयाँ भवन निर्माणका लागि शुक्रबार आर्थिक प्रस्ताव आह्वान हुने भएको छ। सडक डिभिजन काठमाडौंका सूचना अधिकारी सुनित केसीका अनुसार विभागले ८० करोड लागतमा नयाँ भवन निर्माण गर्ने योजना बनाएको छ।

यद्यपि निर्माण कम्पनीले ८० करोडभन्दा कम लागतमा भवन निर्माणको जिम्मेवारी लिन सक्नेछन्। काठमाडौं महानगरपालिका–३१ मीनभवनमा सडक विभागको नयाँ भवन निर्माण हुँदैछ। जसको वातावरणीय मूल्यांकन प्रतिवेदन तयार गरेर भौतिक पूर्वाधार तथा यातायात मन्त्रालयमा पठाएको विभागले जनाएको छ।

नयाँ भवन निर्माणका लागि विभागले यसअघि आह्वान गरेको ठेक्काबाट १२ कम्पनी छानिएका छन्। लामा कन्स्ट्रक्सन, शिव शक्ति कन्स्ट्रक्सन, ओम साई राम कन्स्ट्रक्सनलगायत १२ वटा निर्माण कम्पनी प्राविधिक मूल्यांकनका आधारमा छनोट भएका हुन्।

१२ निर्माण कम्पनी मध्येबाट सबैभन्दा कम लागत प्रस्ताव गर्ने व्यवसायीले भवन निर्माणको जिम्मेवारी पाउनेछ। १९ हजार ९ सय ४३ वर्गमिटरमा सो भवन निर्माण हुने छ। अण्डर ग्राउण्डसहित ७ तल्लाको भवन बन्नेछ। हाल सडक विभागको कार्यालय ललितपुरस्थित चाकुपाटमा रहेको छ।

प्रकाशित मिति: बुधबार, मंसिर १४, २०७९ ११:११

प्रतिक्रिया दिनुहोस्