तार व्यवस्थापनको काम प्रभावकारी नभएको भन्दै प्राधिकरणकाे असन्तुष्टि

मुख्य समाचार

गृहपृष्ठ
मुख्य समाचार

तार व्यवस्थापनको काम प्रभावकारी नभएको भन्दै प्राधिकरणकाे असन्तुष्टि

क्यापिटल नेपाल आइतबार, मंसिर १८, २०७९

काठमाडौं । नेपाल विद्युत प्राधिकरणले तार व्यवस्थापनको काम प्रभावकारी नभएको भन्दै असन्तुष्टि व्यक्त गरेको छ ।

प्राधिकरणले एक सूचना जारी गर्दै अव्यवस्थित तारहरू हटाउने ४५ दिने सूचनालाई सेवा प्रदायकहरुले बेवास्ता गरेको भन्दै असन्तुष्टि व्यक्त गरेको हो । तार व्यवस्थापनको काम प्रभावकारी हुन नसकेको प्राधिकरणको भनाइ छ ।

प्राधिकरणले गत कात्तिक १५ गते एक सूचना जारी गर्दै प्राधिकरणको पोल प्रयोग गरी अव्यवस्थित तरिकाले टाँगिएका र प्रयोगमा नरहेका अनावश्यक अप्टिकल फाइबर केबल/कोएक्सियल केबल तथा पोलमा जथाभाबी झुन्ड्याइएको उपकरणहरू ४५ दिनभित्र हटाउन निर्देशन दिएको थियो ।

प्राधिकरणले सूचना जारीगरेपछि सेवा प्रदायक कम्पनीकले अव्यवस्थित तार हटाउने काम सुरु गरेका थिए । हाल सेवा प्रदायकले सिंहदरबार आसपासका क्षेत्रमा तार व्यवस्थापनको काम गरिरहेको छ ।

तर, प्राधिकरणले सो व्यवस्थापनको काम प्रभावकारी ढंगमा अगाडि बढ्न नसकेको बताएको हो । निर्धारित समयावधिभित्र उक्त कार्य सम्पन्न गर्न सम्बन्धित सेवा प्रदायक संस्थालाई प्राधिकरणले निर्देशन दिएको छ ।

प्रकाशित मिति: आइतबार, मंसिर १८, २०७९ ११:२३

प्रतिक्रिया दिनुहोस्