बैंकिङ प्रणालीमा पैसा थपिँदै

मुख्य समाचार

गृहपृष्ठ
मुख्य समाचार

बैंकिङ प्रणालीमा पैसा थपिँदै

क्यापिटल नेपाल मंगलबार, मंसिर २७, २०७९

काठमाडौं। संघ र प्रदेशको चुनावपछि बैंकिङ प्रणालीमा निरन्तर पैसा थपिँदै गएको छ। मंसिर पहिलो साता यता वाणिज्य बैंकमा ४२ अर्ब रुपैयाँ थपिँएको छ। मंसिर २ गते वाणिज्य बैंकमा ४५ खर्ब ५८ रुपैयाँ निक्षेप थियो। जुन मंसिर २६ गतेसम्म आइपुग्दा ४२ अर्ब बढेर ४६ खर्ब रुपैयाँ पुगेको छ।

मंसिर पहिलो साता वाणिज्य बैंकसँग ४५ खर्ब ५८ अर्ब रुपैयाँ रहेको निक्षेप दोस्रो सातामा ४ अर्ब, तेस्रो ९ अर्ब र मंसिर २६ गतेसम्म ६ अर्ब थपिँएर कूल ४६ खर्ब रुपैयाँ पुगेको छ। त्यसैगरी सोही अवधिमा बैंकको कर्जा प्रवाह भने घटेको छ। मंसिर पहिलो साता ४२ खर्ब १९ अर्ब रुपैयाँ रहेको कर्जा प्रवाह मंसिर २६ गतेसम्म आइपुग्दा ४२ खर्ब १४ अर्बमा झरेको हो।

चुवाव यता सिस्टमा पैसा थपिँने र कर्जा घट्नाले वाणिज्य बैंकको कर्जा–निक्षेप अनुपात (सिडी रेसियो)मा समेत सुधार आएको छ।अघिल्लो वर्ष बैंक तथा वित्तीय संस्थाको सिडी रेसियो औषतमा ९० माथि पुगेको थियो। यो वर्षको सुरुदेखि वाणिज्य बैंकले कर्जा प्रवाहमा कन्ट्रोल गरी कर्जा उठाउनतिर लाग्दा सिडी रेसियोमा सुधार आएको हो।

मंसिर २६ गतेसम्म बैंक तथा वित्तीय संस्थाको सिडी रेसियो ८६.३१ प्रतिशतमा आएको हो। सिडी जति कम हुन्छ त्यती नै बैंकहरुसँग कर्जा लगानी योग्य रकम रहेको बुझिन्छ। असोज मसान्तसम्म नबिल र ग्लोलब आइएमई बैंकको सिडी रेसियो ९० माथि गएको राष्ट्र बैंकले जारी गरेको विवरणमा उल्लेख छ। अन्य वाणिज्य बैंकहरुको सिडि भने ९० तल नै रहेको छ।

आर्थिक वर्षको पुस मसान्तसम्ममा मर्जमा गई एकीकृत कारोबार सुरु गर्ने बैंकलाई सिडी मेन्टेनको लागि समय थप गर्ने जनाएको छ।तसर्थ नबिल बैंकले नेपाल बंगलादेश बैंकलाई एक्वायर गरी एकीकृत कारोबार सुरु गरेको छ भने ग्लोबल आइएमई बैंकले बैंक अफ काठमाण्डूसँग मर्जरको तयारी गरेको छ। सिडी रेसियो ९० माथि हुने बैंकको पुँजी अनुपात रेसियो नपुगे राष्ट्र बैंकले डन्डा चलाउने जनाएको छ।

प्रकाशित मिति: मंगलबार, मंसिर २७, २०७९ १७:३६

प्रतिक्रिया दिनुहोस्