राष्ट्र बैंकले तरलताको दबाब सहज पार्न बैंक तथा वित्तीय संस्थाको मुद्दतीमा लगानी गर्दै

मुख्य समाचार

गृहपृष्ठ
मुख्य समाचार

राष्ट्र बैंकले तरलताको दबाब सहज पार्न बैंक तथा वित्तीय संस्थाको मुद्दतीमा लगानी गर्दै

क्यापिटल नेपाल शुक्रबार, पुस १५, २०७९

काठमाडौं । नेपाल राष्ट्र बैंकले बैंक तथा वित्तीय संस्थाको मुद्दतीमा लगानी गर्ने भएको छ । राष्ट्र बैंकले बैंक तथा वित्तीय संस्थाको मुद्दतीमा २६ करोड ५८ लाख लगानी गर्ने भएको हो ।

राष्ट्र बैंकले बैंकिङ प्रणालीमा देखिएको तरलताको दबाब सहज गर्न सो पैसा लगानी गर्न लागेको हो । राष्ट्र बैंकले वाणिज्य बैंकको मुद्दती निक्षेपमा २१ करोड २६ लाख, विकास बैंकको मुद्दती निक्षेपमा ३ करोड ९९ लाख र फाइनान्स कम्पनीको मुद्दती निक्षेपमा १ करोड ३३ लाख रुपैयाँ लगानी गर्ने भएको हो ।

राष्ट्र बैंकले १ वर्ष अवधिको मुद्दती निक्षेपमा लगानी गर्ने भएको छ । राष्ट्र बैंकले लगानी गर्ने पैसा मुद्दती निक्षेपमा राख्न इच्छुक बैंक तथा वित्तीय संस्थाले राष्ट्र बैंकको [email protected] मा इमेल गर्नुपर्नेछ । आवेदकले यही पुस २१ गते राति १२ बजेभित्र इमेलमार्फत आवेदन दिन सकिने राष्ट्र बैंकले जनाएको छ । पुस मसान्तसम्ममा आयकरबापत ४० प्रतिशत राजस्व तिर्नुपर्ने व्यवस्था छ । आयकरवापत केही पैसा सरकारको ढुकुटीमा जाने देखिन्छ ।

त्यसैगरी पुस मसान्तपछि पुनर्कर्जाको सामान्य कर्जामा रुपान्तरण हुने र सरकारले आन्तरिक ऋण उठाउँदा बैंकिङ प्रणालीमा दबाब हुने जानकार बताउँदै आइरहेका छन् । सोही दबाब सहज गर्न राष्ट्र बैंकले बैंक तथा वित्तीय संस्थाको मुद्दती निक्षेपमा लगानी गर्न लागेको हो ।

पछिल्लो समय आयातमा निरुत्साहन र रेमिट्यान्सको वृद्धिले विदेशी विनिमय सञ्चिति र तरलतामा सहज बन्दै गइरहेको राष्ट्र बैंकले जनाएको छ । पुसमा आयकर, पुनर्कर्जा र आयात खुल्लाले बैंकिङ प्रणाली पर्न सक्ने दबाब सहज गर्न राष्ट्र बैंकले सो पैसा लगानी गर्न लागेको हो । राष्ट्र बैंकले लगानीका लागि एक दर्जन सर्त तोकेको छ । सत्र पूरा गर्न बैंक तथा वित्तीय संस्थाले आवेदन दिन सक्नेछन् ।