क्यापिटल कार्टुन : आश नछाडौं!

राजनीति

गृहपृष्ठ
राजनीति

क्यापिटल कार्टुन : आश नछाडौं!

क्यापिटल नेपालआइतबार, पुस १७, २०७९

काठमाडौ। अंग्रेजी नयाँ वर्ष २०२३ आजबाट सुरु भएको छ। यो नयाँ वर्षले मुलुकको अर्थतन्त्र सुधार र राजनीतिक स्थिरता कायम राख्न सबै सत्तासिन तथा प्रतिपक्षी दलका नेताहरूलाई सद्बुद्धि प्राप्त होस्।

रुस–युक्रेन युद्धपछि संसारभरि पेट्रोलियम पदार्थका मूल्यमा भएको बढोत्तरीले उपभोक्ताको ढाड सेकिरहेको छ। नेपाल राष्ट्र बैंकले गत मंसिर मसान्तसम्ममा तयार पारेको देशको वर्तमान आर्थिक अवस्थाअनुसार मूल्यवृद्धि ८.०८ प्रतिशत पुगेको छ।

गत मंसिर ४ मा सम्पन्न संसदीय निर्वाचनपछि नेकपा (एमाले) र नेकपा (माओवादी केन्द्र) सहित अन्य दलबीचको नयाँ गठबन्धन सरकार बनेको छ। नयाँ सरकारले मुलुकको ढुकुटीको जिम्मा एमाले नेता विष्णु पौडेललाई दिएको छ।

निजी क्षेत्रप्रति सकारात्मक सोच राख्ने पौडेलले अर्थ मन्त्रालयको जिम्मेवारी लिएपछि अर्थतन्त्रमा ‘केही पक्कै हुन्छ’ भन्ने आसा निजी क्षेत्र र सर्वसाधारणमा सञ्चार भएको छ।

निजी क्षेत्र र सर्वसाधारणको आसामाथि तुषारापात नहोस्, नयाँ सरकारले अंग्रेजी नयाँ वर्ष २०२३ बाट अर्थतन्त्र सुधारका लागि दूरगामी निर्णय र आर्थिक वृद्धिदर बढाउन व्यापक काम गरोस्, शुभकामना।

प्रकाशित मिति: आइतबार, पुस १७, २०७९ १७:२१

प्रतिक्रिया दिनुहोस्