क्रसर उद्योग बन्दले निर्माणाधीन आयोजना समयमा सम्पन्न नहुने

उद्योग

गृहपृष्ठ
उद्योग

क्रसर उद्योग बन्दले निर्माणाधीन आयोजना समयमा सम्पन्न नहुने

क्यापिटल नेपाल बिहीबार, पुस २८, २०७९

काठमाडौं। सरकारले अवैध रुपमा सञ्चालनमा रहेका गिट्टी, बालुवा, ढुंगा उत्खनन गर्ने उद्योगहरु बन्द गराउन दिएको निर्देशनपछि नेपाल निर्माण व्यवसायी महासंघले निर्माणाधीन आयोजनाहरु समयमै सम्पन्न नहुने जनाएको छ।

महासंघले बिहीबार सूचना जारी गर्दै गृह मन्त्रालयबाट पुस २० गते जारी भएको निर्देशनबाट निर्माण उद्योगमा समस्या भएकाले आयोजनाहरु सम्पन्न गर्न नसकिने भएको जनाएको हो।

साथै महासंघले देशभरिका निर्माण व्यवसायी, प्रदेश महासंघ र जिल्ला संघहरुलाई आ–आफूले निर्माण कार्य गरिरहेका आयोजनाहरूलाई अहिलेको असहज अवस्थामा तोकिएको समयमा निर्माण सम्पन्न हुन नसक्ने व्यहोरासहितको पत्राचार गर्न आग्रह गरेको छ।

महासंघका अनुसार निर्माण कार्य हुने हिउँदको सिजनमा गृह मन्त्रालयबाट पुस २० गते जारी भएको निर्देशनबाट निर्माण उद्योगलगायत आम उपभोक्तालाई नै गमिभर असर परेको छ।

साथै विभिन्न शक्ति केन्द्रहरूको आडमा कृत्रिम अभाव सिर्जना गरी कार्टेलिङलाई प्रश्रय दिँदा कालोबजारी तथा मूल्यवृद्धि हुने महासंघले जनाएको छ। यस्तो अवस्थामा सरकारले निश्चित मूल्य निर्धारण गर्नुपर्ने बताइएको छ।

प्रकाशित मिति: बिहीबार, पुस २८, २०७९ १६:१५

प्रतिक्रिया दिनुहोस्