विभागको सर्भर बनेपछि राहदानी लिने बढे

मुख्य समाचार

गृहपृष्ठ
मुख्य समाचार

विभागको सर्भर बनेपछि राहदानी लिने बढे

क्यापिटल नेपाल बुधबार, माघ ४, २०७९

काठमाडाैं। राहदानी विभागमा सेवाग्राहीको भीड बढ्दै गएको छ। गत पुस १७ गतेदेखि विभागको सर्भरमा देखिएको समस्या समाधान भएर काम सुरू भएसँगै राहदानी लिनेको भीड लाग्न थालेकाे हाे।

राहदानी लिन आउनेका कारण भीड थेगिनसक्नु भएको विभागले जनाएको छ। विभागमा हिजोआज वैदेशिक रोजगारमा जानका लागि राहदानी बनाउन आउनेको भीड बढ्दै गएको विभागका निर्देशक तथा प्रवक्ता दुरपदा सापकोटाले बताइन्। उनले भनिन्, 'विभागमा राहदानीसम्बन्धी सबै काम सुरु भएको छ, सेवाग्राहीको पनि भीड बढेको छ, बीचमा केही दिन बिदा परेकाले पनि अहिले सेवाग्राहीको भीड बढेको छ।'

सरकारले अत्यावश्यक सेवामा भीड कम गर्ने निर्णयपछि विभागले तीन/चारवटा अनौपचारिक कार्ययोजना बनाएको जनाएको छ। कुन कार्ययोजना लागू गर्ने र कसरी गर्ने भन्ने छलफलमा विभाग रहेको बताइएको छ। देशभरका जिल्ला प्रशासन कार्यालय र १७ इलाका प्रशासन कार्यालयबाट सहज रुपमा राहदानी वितरण गरे विभागमा अहिलेजस्तो भीड नहुने निर्देशक सापकोटाको भनाइ छ।

टोकन प्रणाली लागू गर्ने तयारी पनि गरिएको र कामको अवधि बढाएर बिहानदेखि राहदानी वितरण थाल्ने विकल्पबारे पनि विभागले योजना बनाइरहेको जनाइएको छ। सेवाग्राहीको भीडका कारण कर्मचारीलाई पनि सेवा प्रवाहमा समस्या हुँदै आएको बताइएको छ।

प्रकाशित मिति: बुधबार, माघ ४, २०७९ १८:१६

प्रतिक्रिया दिनुहोस्