देशको आर्थिक संकट समाधान गर्न माग गर्दै नेकपा एसले बुझायो प्रधानमन्त्रीलाई ज्ञापनपत्र

राजनीति

गृहपृष्ठ
राजनीति

देशको आर्थिक संकट समाधान गर्न माग गर्दै नेकपा एसले बुझायो प्रधानमन्त्रीलाई ज्ञापनपत्र

क्यापिटल नेपाल मंगलबार, माघ १७, २०७९

काठमाडौं। नेकपा एकीकृत समाजवादी (नेकपा एस)ले प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डलाई देशको आर्थिक संकट समाधान गर्न माग गर्दै ज्ञापन पत्र बुझाएको छ।

मंगलबार प्रधानमन्त्री प्रचण्डलाई भेटेर नेकपा एसले ज्ञापनपत्रमा बुझाएको हो । देशको अर्थतन्त्र गम्भीर संकटतिर गएकाले संकट समाधानका लागि कदम चाल्न आवश्यक रहेकाले अपनाउनुपर्ने आर्थिक रणनीतिको बारेमा प्रतिपक्षी दलको हिसाबले गंभीर जिम्मेवारीको बोध गर्दै ज्ञापनपत्र बुझाएको नेकपा एसले जनाएको छ।

नेकपा एसका अध्यक्ष माधवकुमार नेपाल, सम्मानित नेता झलनाथ खनाललगायतका नेताले प्रधानमन्त्रीलाई भेटेर बुझाएको ज्ञापनपत्रमा संविधानमा उल्लिखित आर्थिक नीति कडाईका साथ लागू गर्न, युवा, विद्यार्थी र बौद्धिक जनशक्ति पलायन रोक्नका लागि प्रभावकारी कदम चाल्न, अर्थतन्त्रलाई आत्मनिर्भर बनाउनका लागि कृषि उत्पादन वृद्धिमा जोड दिनुको साथै कृषिउपज बिक्रीको प्रत्याभूति गर्न माग गरिएको छ।

त्यस्तै, नेकपा एसले समस्याग्रस्त उद्योग तथा व्यवसायले जरिमाना नतिरी कर तिर्ने सुविधा आगामी आसार मसान्त २०८० सम्म प्रदान गर्न, विद्युतीय ऊर्जा प्रयोग बढाउँदै लैजाने र जैविक इन्धन आयातमा कटौती गर्दै लैजाने सुनिश्चित आवधिक योजना अघि बढाउन पनि माग गरिएको छ।

प्रकाशित मिति: मंगलबार, माघ १७, २०७९ ११:०६

प्रतिक्रिया दिनुहोस्