डोल्पाको दुनैमा नेपाल लाइफको शाखा

कर्पोरेट बजार

गृहपृष्ठ
कर्पोरेट बजार

डोल्पाको दुनैमा नेपाल लाइफको शाखा

क्यापिटल नेपाल शुक्रबार, कात्तिक ८, २०७६

काठमाडौं । बीमा समितिका अध्यक्ष चिरञ्जीवी चापागाँईले नेपाल लाइफ इन्स्योरेन्सको डोल्पा शाखा उद्घाटन गरेका छन् । हिमाली जिल्लाको दुरदराजमा पुगेर न्यून आय भएका जनतालाई बीमाको दायरामा ल्याउन दुनै शाखा महत्वपुर्ण हुने उनले बताए । कार्यक्रममा नेपाल लाइफ इन्स्योरेन्सका प्रमुख कार्यकारी अधिकृत विवेक झाले बीमा व्यवसाय विस्तार भइरहेको परिपेक्षमा एक तिहाई बजार हिस्सा नेपाल लाइफले ओगट्न सफल भएको बताए ।

कम्पनीको चुक्तापूँजी जीवन बीमा क्षेत्रकै सर्वाधिक रू. ५ अर्ब ५० करोड रहेको छ भने लगानी रू. ७७ अर्ब५४ करोड रुपैयाँ रहेको छ । त्यस्तै, कम्पनीको जीवन बीमा कोष ७२ अर्ब २४ करोड रुपैयाँ र शेयरधनी कोष ८ अर्ब ५७ करोडभन्दा बढी रहेको छ । कम्पनीले यस आर्थिक वर्षको पहिलो तीन महिनामा जम्मा रू. ७ अर्ब ९० करोड बीमा शुल्क संकलन गरेको छ ।

१ लाख ३४ हजार ५ सय ६३ प्रशिक्षित अभिकर्ता रहेको यस कम्पनीले आफ्ना सेवाग्राहीहरू तथा ग्राहकहरूका लागि हालसम्म देशभर फैलिएका १ सय ९३शाखा तथा उपशाखाहरूमार्फत जीवन बीमासम्बन्धी सम्पूर्ण सेवा उपलब्ध गराइरहेको छ । हालसम्म स्वदेश र विदेश गरी २६ लाख ६३ हजार ९ सय ८१ व्यक्ति यस कम्पनीमा बीमित भइसकेका छन्

प्रकाशित मिति: शुक्रबार, कात्तिक ८, २०७६ १६:५९

प्रतिक्रिया दिनुहोस्