आइएमई डिजिटल र ललितपुर महानगरबीच माेबाइल वालेट प्रयाेग गर्ने सम्झौता

कर्पोरेट बजार

गृहपृष्ठ
कर्पोरेट बजार

आइएमई डिजिटल र ललितपुर महानगरबीच माेबाइल वालेट प्रयाेग गर्ने सम्झौता

क्यापिटल नेपालबुधबार, माघ २५, २०७९

काठमाडौं। आइएमई डिजिटल सोलुसन र ललितपुर महानगरपालिकाबीच माेबाइल वालेट प्रयाेग गर्ने समझदारी पत्रमा हस्ताक्षर भएको छ।

बुधबार एक कार्यक्रमकाबीच उक्त सम्झाैता पत्रमा हस्ताक्षर भएकाे हाे। सम्झौता पत्रमा ललितपुर महानगरपालिका प्रमुख प्रशासकीय अधिकृत गणेश अर्याल र आइएमई पेका सहायक महाप्रबन्धक प्रमोदमानसिंह बस्नेतले हस्ताक्षर गरेका छन्।

सम्झौताअनुसार विद्युतीय कर भुक्तानीमा महानगरपालिकाले आइएमई डिजिटल सोलुसनकाे मोबाइल वालेट आइएमई पेको प्रयोग गर्नेछ।

उक्त सम्झाैताअनुसार ललितपुर महानगरका स्थानीयबासीले स्थानीय सरकारलाई तिर्नुपर्ने कर, जस्तै घर–बहाल कर, सम्पत्ति कर र व्यवसायिक कर सजिलै आइएमई पे एपबाट तिर्न सक्नेछन्।

सरकारको घोषित डिजिटल नेपाल अभियानमा स्थानीय तहको सरकारसँग सहकार्य गर्न पाउँदा खुसी लागेकाे आइएमई पेले जनाएकाे छ।

प्रकाशित मिति: बुधबार, माघ २५, २०७९ १६:५९

प्रतिक्रिया दिनुहोस्