प्रविधि

वर्ल्डलिंक कम्युनिकेसनले पायो १ अर्ब ९८ करोड विदेशी लगानी

क्यापिटल नेपाल सोमबार, चैत ६, २०७९

काठमाडौं। निजी क्षेत्रको इन्टरनेट सेवाप्रदायक वर्ल्डलिंक कम्युनिकेसनले विदेशबाट ठूलो लगानी पाएको छ। वर्ल्डलिंकल एक अर्ब ९८ करोड रुपैयाँ विदेशी लगानी प्राप्त गरेको हो।

कम्पनीले बेलायत सरकारको विकास वित्त संस्था एवं लगानीकर्ता ब्रिटिश इन्टरनेशनल इन्भेष्टमेन्ट (बीआईआई) र डोल्मा इम्प्याक्ट फण्ड (डीआईएफ आईआई) ले संयुक्त रुपमा लगानी गर्ने कम्पनीले पत्रकारसम्मेलन मार्फत् जानकारी दिएको हो।

कम्पनीले बीआईआईबाट एक अर्ब आठ करोड नेपाली रुपैयाँ तथा डोल्मा इम्प्याक्ट फण्डबाट ९० करोड रुपैयाँ लगानी प्राप्त गरेको छ। नेपालको इन्टरनेट क्षेत्रकै सबैभन्दा ठूलो लगानी भएको कम्पनीले जनाएको छ।

सन् २०१९ को अक्टोबरमा १ करोड २० लाख डलर अर्थात् एक अर्ब ३५ करोड नेपाली रुपैयाँ बराबरको ब्रिटिश इन्टरनेशनल इन्भेष्टमेन्टबाट कम्पनीले लगानी पाइसकेको छ।

याे पनि पढ्नुहाेस्

बेलायती साझेदार प्रवेशपछि वर्ल्डलिंकको व्यापार चम्कियो, सेवा विस्तारमा २ अर्ब थप्दै

यसअघिको लगानी र हालको लगानी गरी कम्पनीमा २ करोड ७२ लाख डलर अर्थात् तीन अर्ब ३३ करोड बराबरको लगानी पुगेको छ। जुन लगानी इन्टरनेट सेवा उद्योगमा अहिलेसम्मकै सबैभन्दा उच्च हो।

यस कम्पनीमा हाल साढे सात लाख बढी ग्राहक छन्। साथै यो कम्पनी देशको सबैभन्दा ठूलो रोजगार प्रदायक पनि हो। कम्पनीमा हाल साढे पाँच हजार कर्मचारीले रोजगारी पाएका छन्।

प्रकाशित मिति: सोमबार, चैत ६, २०७९ १८:०६

प्रतिक्रिया दिनुहोस्