दमनविरुद्ध थप आन्दोलन गर्ने मिटर ब्याज पीडितको घोषण

समाज

गृहपृष्ठ
समाज

दमनविरुद्ध थप आन्दोलन गर्ने मिटर ब्याज पीडितको घोषण

क्यापिटल नेपाल मंगलबार, वैशाख ५, २०८०

काठमाडाैं। मिटर ब्याज तथा दमनविरुद्ध थप अन्दोलन गर्ने मिटर ब्याज तथा ठगीविरुद्ध किसान–मजदुर संघर्ष समितिले घोषण गरेको छ।

उनीहरुले राज्यबाटै आफूहरूको आन्दोलन भड्काउने, उत्तेजित पार्ने काम गरेको आरोप लगाएको छ।

मंगलबार संघर्ष समितिका अध्यक्ष अवधेश कुशवाहाले विज्ञप्ति जारी गर्दै आफूहरूको आन्दोलनभित्र छिरेर प्रहरीले ज्येष्ठ नागरिक, अशक्त तथा बिरामीमाथि कुटपिट गरेको, महिलामाथि पुरुष प्रहरीले आक्रमण तथा दुर्व्यवहार गरेको आरोप लगाएका छन्।

पीडितले सहयोगी तथा शुभचिन्तकबाट सहयोग जुटाएर जम्मा गरेको अनाज, ग्यास, ग्यास चुलो, स्पिकर र भाँडाकुँडा प्रहरीले लुटेको उनको आरोप छ। उनको जारी विज्ञप्तिमा भनेको छ यस्तो राज्य प्रायोजित आतंक र दमनको हामी घोर भर्त्सना गर्दछौं।

गृहमन्त्रीले नै आन्दोलन दबाउन खोजेको उनको भनाइ छ। उनले छिट्टै नयाँ कार्यक्रम सहित आन्दोलन गर्ने जानकारी दिए। सोमबार शान्ति वाटिकाबाट सिंहदरबारसम्म आफूहरूको शान्तिपूर्ण जुलुस जाने कार्यक्रम रहेकोमा बिहानैदेखि प्रहरीले शान्तिवाटिका क्षेत्र पूर्ण रुपमा नियन्त्रणमा लिँदै पीडितहरुलाई आवतजावतमै निषेध र धरपकड गरिएको उनको आरोप छ।

प्रकाशित मिति: मंगलबार, वैशाख ५, २०८० १३:०९

प्रतिक्रिया दिनुहोस्