नेपाल इन्भेष्टमेन्ट मेगा बैंकको खुदनाफा ३ अर्ब ४ करोड

बैंकिङ

गृहपृष्ठ
बैंकिङ

नेपाल इन्भेष्टमेन्ट मेगा बैंकको खुदनाफा ३ अर्ब ४ करोड

क्यापिटल नेपाल बिहीबार, वैशाख ७, २०८०

काठमाडौं। नेपाल इन्भेष्टमेन्ट मेगा बैंकको खुदनाफा २२.९६ प्रतिशत बढेको छ। चालू आर्थिक वर्षको ९ महिना (साउनदेखि चैतसम्म) बैंकको खुदनाफा बढेर ३ अर्ब ४ करोड ६१ लाख रुपैयाँ पुगेको छ । गत वर्षको यसैअवधिमा बैंकले २ अर्ब ४७ करोड रुपैयाँ खुदनाफा गरेको थियो ।

मेगा बैकलाई मर्ज गरेपछि नेपाल इन्भेष्टमेन्टको सबै वित्तीय सूचकहरुको ग्राफ बढेको छ। यस अवधिमा बैंकको खुद ब्याज आम्दानी र सञ्चालन नाफा बढेको छ।

पुरानो कजा असुली राम्रो भएकाले बैंकको नाफामा सुधार आएको हो। समीक्षा अवधिमा बैंकको खुद ब्याज आम्दानी ९९.४९ प्रतिशत बढेको छ ।

वितरणयोग्य नाफा भने १ अर्ब २७ करोड रुपैयाँ ऋणात्मक भएको बैंकले बिहीबार सार्वजनिक गरेको वित्तीय विवरणमा उल्लेख छ। मर्जरपछि बैंकको चुक्ता पुँजी ८६.४२ प्रतिशत बढेर ३४ अर्ब १२ करोड ८२ लाख ९५ हजार रुपैयाँ पुगेको छ ।

बैंकको सञ्चित कोषको आकार पनि ६६.२२ प्रतिशत बढेर २३ अर्ब ८९ करोड २२ लाख रुपैयाँ पुगेको छ। बैंकको प्रतिसेयर आम्दानी २ रुपैयाँ ८४ पैसाले घटेर १५ रुपैयाँ २ पैसामा झरेको छ । समीक्षा अवधिमा बैंकको आधारदर १० प्रतिशत छ।

प्रकाशित मिति: बिहीबार, वैशाख ७, २०८० ०८:२४

प्रतिक्रिया दिनुहोस्