सेनाको संख्या घटाएर सरकारी खर्च कटाैती गराैं : शशिकान्त अग्रवाल

अर्थतन्त्र

गृहपृष्ठ
अर्थतन्त्र

सेनाको संख्या घटाएर सरकारी खर्च कटाैती गराैं : शशिकान्त अग्रवाल

क्यापिटल नेपालमंगलबार, जेठ २, २०८०

काठमाडौं। उद्योगी शशिकान्त अग्रवालले सेनाको संख्या घटाएर सरकारी खर्च कटौती गर्नुपर्ने बताएका छन्।

सरकार खर्च कटौतीका उपायमाथि निरन्तर छलफल चलाइरहेका बेला अग्रवालले सेनाको संख्या घटाएर खर्च कटौती गर्न सरकारलाई सुझाएका हुन्।

सरकार राजस्वमार्फत चालू खर्च धान्नै नसक्ने अवस्थामा पुगेको छ। कुन कुन क्षेत्रमा खर्च कटौती गर्न सकिन्छ भनेर सरकारले खोजी गरिरहेका बेला उद्योगी अग्रवालले सेना तथा सशत्र प्रहरीको संख्या घटाउन सरकारलाई सुझाव दिएका हुन्।

अहिले जति संख्याका सेना राखिएको छ, त्यति चाहिँदैन। सेनाको मेक संख्या ५० हजारमा झार्दा सरकारको ठूलो खर्च कटौती हुन सक्ने अग्रवालको भनाइ छ। नेपाल उद्योग परिसंघले आयोजना गरेको मेक इन नेपाल स्वदेशी समिटमा बोल्दै अग्रवालले सेना तथा प्रहरीको संख्या कटौती गर्ने बित्तिकै सरकारलाई चालू खर्चको दायित्व कम हुने उनको भनाइ छ।

देश आर्थिकरूपमा संकटतर्फ अघि बढिरहेका बेला सेनाको संख्या घटाएर दायित्वबाट कम गर्नुपर्ने उनको भनाइ छ।

प्रकाशित मिति: मंगलबार, जेठ २, २०८० १८:२०

प्रतिक्रिया दिनुहोस्