भारतले सार्वजनिकरूपमा १० हजार मेगावाट बिजुली लैजान्छु भन्नु नै ठूलो कुरा हो : विनोद चौधरी

पूर्वाधार

गृहपृष्ठ
पूर्वाधार

भारतले सार्वजनिकरूपमा १० हजार मेगावाट बिजुली लैजान्छु भन्नु नै ठूलो कुरा हो : विनोद चौधरी

क्यापिटल नेपाल शुक्रबार, असार ८, २०८०

काठमाडौं। प्रतिनिधिसभा सदस्य विनोद चौधरीले अर्थतन्त्र कमजोर भएको अवस्थामा भारतले १० हजार मेगावाट बिजुली लैजान्छु भनेर सार्वजनिकरूपमा भन्नू नै ठूलो कुरा भएको बताएका छन्।

शुक्रबार नेपाल उद्योग परिसंघ (सिएनाई) को २०औं वार्षिक साधारणसभामा चौधरीले यस्तो बताएका हुन्। ‘अहिले एउटा अर्थतन्त्र कमजोर भएको समयमा भारत भ्रमण भएको छ,’ चौधरीले भने, ‘१० हजार मेगावाट बिजुली भारतले १० वर्षमा लैजान्छु भन्ने कुरा नै महत्त्वपूर्ण कुरा हो। यसले नेपालको निजि तथा सबै क्षेत्रलाई उत्साहित बनाएको छ।’

उनले अर्थमन्त्रीलाई बजेट पेस गर्न सजिलो नभएको पनि बताए। ‘१० खर्ब राजस्व उठ्ने अवस्था छैन,’ चौधरीले भने, ‘सबैले मेरो क्षेत्रमा बजेट आएन भनिरहेका छन्। तर करको दर बढ्दैमा मात्र अर्थतन्त्र सुदृढ हुँदैन र त्यसले समस्या समाधान गर्दैन भन्ने कुराको ज्वलन्त उदाहरण नेपाल हो।’

उनले ७ लाख टन मल नेपाललाई चाहिने बताउँदै नेपालमा २ लाख टनमात्र आधिकारिक रूपमा आएको देखिने बताए। तर, बाँकी अवैधानिक रूपमा आएको देखिएकाले यो अवस्था सुधार गर्न आवश्यक रहेको उनको भनाइ छ।

प्रकाशित मिति: शुक्रबार, असार ८, २०८० १७:५०

प्रतिक्रिया दिनुहोस्