कालीमाटीमा चिनियाँ प्याजको बाहुल्य, आउनै छाड्यो भारतबाट

कृषि

गृहपृष्ठ
कृषि

कालीमाटीमा चिनियाँ प्याजको बाहुल्य, आउनै छाड्यो भारतबाट

हरिप्रसाद शर्मामंगलबार, मंसिर १७, २०७६

काठमाडौं । दुई दिनदेखि कालीमाटी फलफुल तथा तरकारी बजारमा चिनियाँ प्याजले बजार लिएको छ । असोज १२ देखि भारतले प्याज निर्यातमा रोक लगाएपछि नेपालमा प्याजको आयात कम भएको थियो । भारतिय प्याज आयात कम भएर भाउ मुल्य बढे पछि व्यवसायीहरुले चिनिया प्याज आयात गर्न थालेका छन् ।

अहिले कालीमाटी तरकारी बजारमा दैनिक ४० देखि ५० टन चिनियाँ प्याज आइरहेको कालीमाटी फलफुल तथा तरकारी विकास समितिका सुचना अधिकारी बिनय श्रेष्ठले बताए । भारतले प्याज निर्यात प्रतिवन्ध लगाएपछि चाइनीज प्याजको ‘मार्केट’ ह्वात्तै बढेको उनको भनाई छ । उनले भने ‘दुई दिनयता कालीमाटीमा पूर्णतयः चाइनीज प्याजको कारोबार भइरहेको छ । पछिल्लो दुई दिन यता सम्पूर्ण प्याज चीनबाट नै आइरहेको छ । दैनिक ४० देखि ५० टन प्याज आइरहेको छ । भारतिय प्याज त नगण्य नै छ होला ।’

चिनिया प्याज आउन थालेपछि प्याजको मुल्य केही घटेको श्रेष्ठले बताए । ‘पछिल्लो पटक प्याजको मुल्य केही घट्न सक्ने देखिएको छ’ उनले भने ।
अहिले कालीमाटीमा चिनिया प्याज र भारतीय प्याजको खुद्रा मुल्य भने उस्तै छ । चिनिया प्याजको खुद्रा मुल्य १९० देखि २०० रुपैयाँ छ । त्यस्तै थोक मुल्य भने १६० रुपैयाँ कायम गरिएको समितिले बताएको छ ।

तर, आम उपभोक्ताले भने समितिले निर्धारण गरेको भन्दा बढी रकममा प्याज विक्रि गर्ने गरेको एक स्थानीयले बताए । व्यापारीले भारतबाट प्याज नआएको र महंगीएको भन्दै खुद्रा मुल्य २३० देखि २५० रुपैयाँमा विक्रि गरिएको उनले बताए ।

भारतले प्रतिवन्ध लगाउनअघि कालीमाटीमा ८० देखि ९० टन प्याज भारतबाटै आउने गरेको थियो । अहिले चीनबाट आयात गरिएको प्याज नेपालीहरुले मन पराएको श्रेष्ठले बताए । उनले भने ‘विभिन्न ‘भेराइटी’ मा पाइने कारण भारतीय भन्दा चिनिया प्याजको स्वाद फरक हुन्छ ।’

उनका अनुसार अहिले व्यापारीले चीनबाट ‘एलसी’ खोलेर प्याज आयात गरिरहेका छन् । चीनबाट प्याज आयात त्यत्ति कठिन छैन् । रसुवागढी भन्सार नाकाहुँदै प्याज आयात भइरहेको कालीमाटीका एक व्यापारीले बताए ।

प्रकाशित मिति: मंगलबार, मंसिर १७, २०७६ १५:५६

प्रतिक्रिया दिनुहोस्