नेप्से १३.१८ अंकले बढ्यो, कारोबार रकम भने गिरावट

सेयर

गृहपृष्ठ
सेयर

नेप्से १३.१८ अंकले बढ्यो, कारोबार रकम भने गिरावट

क्यापिटल नेपाल मंगलबार, असोज ३०, २०८०

काठमाडौं। मंगलबार सेयर बजार सूचक (नेपाल स्टक एक्सचेञ्ज–नेप्से)मा दोहोरो अंकको वृद्धि भएको छ।

मंगलबार नेप्से परिसूचक १३.१८ अंकले बढेर १ हजार ८ सय ६४.६२ अंक कायम भएको छ। अघिल्लो कारोबार दिन सोमबार नेप्से २३.१६ अंकले घटेर १ हजार ८ सय ५१.४३ अंकमा सिमित भएको थियो।

मंगलबार कुल १ अर्ब ८४ लाख रुपैयाँ बराबरको कारोबार भएको छ। सोमबार भने १ अर्ब २५ करोड ३२ लाख रुपैयाँ बराबरको कारोबार भएको थियो। आज कारोबार भएका मध्य १ सय ७३ कम्पनीको सेयरमूल्य बढेको छ भने ५७ कम्पनीको सेयरमूल्य घटेको छ। त्यस्तै ७ कम्पनीको सेयरमूल्य भने स्थिर छ।

मंगलबार एनआइबिएल प्रगति फन्डको मूल्य ७.३५ प्रतिशतले र स्वेत–गंगा हामइड्रोपावर एन्ड कन्स्ट्रक्सनको मूल्य ६.९१ प्रतिशतले बढेको छ। यस्तै हाथवेय इन्भेस्टमेन्ट नेपालको मूल्य सबैभन्दा बढी ८.५३ प्रतिशतले घटेको छ।

प्रकाशित मिति: मंगलबार, असोज ३०, २०८० १५:२९

प्रतिक्रिया दिनुहोस्