नेप्सेमा झिनो अंकको सुधार, सोनापुरको सेयर मूल्यमा आज पनि नकारात्मक सर्किट

सेयर

गृहपृष्ठ
सेयर

नेप्सेमा झिनो अंकको सुधार, सोनापुरको सेयर मूल्यमा आज पनि नकारात्मक सर्किट

क्यापिटल नेपाल सोमबार, कात्तिक १३, २०८०

काठमाडौं। साताको कारोबारको दोस्रो दिन सोमबार सेयर बजार सूचक नेपाल स्टक एक्सचेञ्ज (नेप्से) मा झिनो अंकको सुधार आएको छ।

सोमबार नेप्से ३.०४ अंकले बढेर १ हजार ८ सय ७८.७० अंकमा कायम भएको छ। अघिल्लो दिन आइतबार भने नेप्से २८.१८ अंकले ओरालो लागेर १ हजार ८ सय ७५.६५ अंकमा सीमित भएको थियो।

आज कुल ६९ करोड ४२ लाख २२ हजार रुपैयाँबराबरको कारोबार भएको छ। आइतबार भने कुल ७४ करोड २९ लाख २५ हजार रुपैयाँबराबरको कारोबार भएको थियो।

सोमबार कारोबार भएकामध्ये १ सय २८ कम्पनीको सेयर मूल्य बढेको छ भने ९७ कम्पनीको घटेको छ। यस्तै १४ कम्पनीको सेयर मूल्य स्थिर छ। आज पञ्चकन्या माई हाइड्रोपावरको सेयर मूल्यमा सर्वाधिक ७.८२ प्रतिशतको वृद्धि भएको छ।

यस्तै सोनापुर मिनरल्स एन्ड वेल लिमिटेडका लगानीकर्ताले सर्वाधिक गुमाएका छन्। सोनापुर कम्पनीको सेयर मूल्य सोमबार पनि १० प्रतिशतले ओरालो लागेको छ। यस कम्पनीको सेयर मूल्यमा आइतबार पनि नकरात्मक सर्किट लागेको थियो।

प्रकाशित मिति: सोमबार, कात्तिक १३, २०८० १५:२३

प्रतिक्रिया दिनुहोस्