कामना सेवा विकास बैंकका सेयरधनीको हात खाली

बैंकिङ

गृहपृष्ठ
बैंकिङ

कामना सेवा विकास बैंकका सेयरधनीको हात खाली

क्यापिटल नेपाल बुधबार, कात्तिक २२, २०८०

काठमाडौं। कामना सेवा विकास बैंकले गत आर्थिक वर्षको साधारणसभा सेयरधनीको हात खाली राख्दै सम्पन्न गर्ने भएको छ। बैंकको सञ्चालक समितिले गत आर्थिक वर्षको नाफाबाट सेयरधनीलाई लाभांश नबाँड्ने निर्णय गरेको हो।

कामना सेवाले गत आर्थिक वर्षमा ५ करोड ८० लाख रुपैयाँ वितरणयोग्य नाफा कमाएको थियो। बैंकको चुक्ता पुँजी ३ अर्ब २८ करोड ११ लाख रुपैयाँ हुँदा बैंकले गत आर्थिक वर्षको नफाबाट १.७७ प्रतिशत लाभांश वितरण गर्ने क्षमता राख्दथ्यो।

तर, बैंकले क्षमताअनुसार सेयरधनीमा लाभांश वितरण नगरि उक्त प्रतिफल रिजर्भमा राख्ने घोषणा गरेको हो।

कात्तिक २१ गते बसेको बैंकको ३ सय ६३औं सञ्चालक समिति बैठकले २०८० आषाढ मसान्तको वासलात, आर्थिक वर्ष २०७९/८० को नाफा नोक्सान हिसाब तथा नगद प्रवाह विवरण लगायतका वित्तीय विवरणहरु माथि छलफल गरी स्वीकृत गर्ने, आर्थिक वर्ष २०७९/८० को अन्त्यमा कायम रहेको वितरणयोग्य नाफा सञ्चिती गर्ने र लाभांश वितरण नगर्ने प्रस्तावसहित उक्त वित्तीय विवरणहरु अन्तिम स्वीकृतिको लागि नेपाल राष्ट्र बैंक समक्ष पेश गरि त्यहाँबाट कुनै संशोधन, सुझाव तथा निर्देशन प्राप्त भएमा सो समेत समावेश गरी आगामी वार्षिक साधारणसभामा स्वीकृतीका लागि पेश गर्ने निर्णय गरेको छ।