सिटिजन्स बैंक स्वतन्त्र सञ्चालकमा रमेश अर्याल नियुक्त

बैंकिङ

गृहपृष्ठ
बैंकिङ

सिटिजन्स बैंक स्वतन्त्र सञ्चालकमा रमेश अर्याल नियुक्त

क्यापिटल नेपाल बिहीबार, मंसिर १४, २०८०

काठमाडौं। सिटिजन्स बैंकको स्वतन्त्र सञ्चालकमा रमेशराज अर्याल नियुक्त भएका छन्। कुमारी बैंककाे प्रमुख कार्यकारी अधिकृत (सिइओ) बाट राजीनामा गरेको केही दिनभित्र अर्याल सिटिजन्स बैंक सञ्चालक बनेका हुन्। सञ्चालक अर्यालसँग ७ वर्ष सिइओका रूपमा काम गरेको अनुभव छ।

तत्कालीन नेपाल ग्रिन्डलेज बैंक हाल स्ट्याण्डर्ड चार्टर्ड बैंकबाट बैंकिङ करियर सुरु गरेका अर्याल ३ दशक लामो बैंकिङ क्षेत्रको अनुभव छ।

त्रिभुवन विश्वविद्यालयबाट एमबिए गरेका उनले स्वदेश तथा विदेशमा गरी थुप्रै बैंकिङसम्बन्धी विशेष प्रशिक्षण लिएका छन्। अर्यालसँग लेखापरीक्षण तथा प्राध्यापनको समेत अनुभव छ।

यसअघि पूर्वसचिवद्वय बालकृष्ण प्रसाईं र अवनिन्द्र श्रेष्ठ, सुदेश खालिङ र अनिल ज्ञवाली बैंकको स्वतन्त्र सञ्चालक भइसकेका छन्। अर्यालको नियुक्तिले सुशासन र बैंकिङ जग थप मजबुत बनाउन सहयोग पुग्ने विश्वास बैंकले लिएको छ।

सिटिजन्स बैंकले देशभरिका १ सय ८९ शाखा, १ सय ४९ एटिएम र ९७ शाखारहित बैंकिङ इकाइबाट १६ लाख ७६ हजार ग्राहकलाई आधुनिक बैंकिङ सेवा प्रदान गर्दै आएको छ।

प्रकाशित मिति: बिहीबार, मंसिर १४, २०८० २१:४५

प्रतिक्रिया दिनुहोस्