भरतपुर महानगरबाट करिब ४ सयले लिए श्रम स्वीकृति

रोजगार

गृहपृष्ठ
रोजगार

भरतपुर महानगरबाट करिब ४ सयले लिए श्रम स्वीकृति

क्यापिटल नेपालशनिबार, पुस २१, २०८०

चितवन। सरकारले स्थानीय तहबाट श्रम स्वीकृति दिने व्यवस्था गरेसँगै भरतपुर महानगरबाट वैशाखयता करिब ४ सयले श्रम स्वीकृति लिएका छन्।

भरतपुर महानगरबाट ३ सय ९३ जनाले श्रम स्वीकृति लिएको भरतपुर महानगरको रोजगार सेवा केन्द्र सन्देश वाग्लेले बताए।

उनका अनुसार ३ सय ९३ मध्ये १९ जना महिला र ३ सय ७४ जनाले श्रम स्वीकृति लिएका हुन्। महानगरबाट साउदी, कतार, युएई, जापान, मलेसिया, कुवेत, क्यानडा, हङकङ, मकाउ, अमेरिका, रोमानिया, कोरिया, साइप्रसलगायत देशका लागि श्रम स्वीकृति लिएका हुन्।

सरकारले विश्वका १ सय ४४ देशमा श्रम स्वीकृतिको व्यवस्था गरेको छ। सरकारले गत वैशाख १ देखि लागू हुने गरी देशभरका स्थानीय तहले अनलाइन प्रणालीबाट श्रम स्वीकृति दिने व्यवस्था गरेको थियो।–रासस

प्रकाशित मिति: शनिबार, पुस २१, २०८० २०:००

प्रतिक्रिया दिनुहोस्