सामान्य प्रशासनले पठायो काठमाडौं महानगरको प्रमुख प्रशासकीय अधिकृतमा सहसचिव प्रदीप परियार

राजनीति

गृहपृष्ठ
राजनीति

सामान्य प्रशासनले पठायो काठमाडौं महानगरको प्रमुख प्रशासकीय अधिकृतमा सहसचिव प्रदीप परियार

क्यापिटल नेपाल शुक्रबार, माघ ५, २०८०

काठमाडौं। काठमाडौं महानगरपालिकाको प्रमुख प्रशासकीय अधिकृतमा सहसचिव प्रदीप परियारको सरुवा भएको छ। शुक्रबार संघीय मामिला तथा सामान्य प्रशासन मन्त्रालयले २९ जना सहसचिवको सरुवा गर्दा परियारलाई काठमाडौं महानगरमा खटाएको हो।

परिया राष्ट्रिय योजना आयोगमा रहेका परियारको महानगरमा सरुवा भएको हो। त्यसअघि सहरी विकास मन्त्रालयमा एक वर्ष बढी सहसचिव एवं प्रवक्ताको भूमिका निर्वाह गरेको अनुभव परियारसँग छ।

साथै परियार पढाइमासमेत अब्बल मानिन्छन्। उनी नेपालमै हालसम्मकै कम उमेर (साढे ३२ वर्ष) मा सहसचिव भएका व्यक्ति पनि हुन्। यसअघि काठमाडौंमा रहेका प्रमुख प्रशासकीय अधिकृत बसन्त अधिकारीको मधेसी आयोगमा सरूवा भएको छ।

महानगरका मेयर बालेन्द्र साह ‘बालेन’ ले नगर कार्यपालिकाको निर्णय हेरफेर गरेको घटनामा प्रशासकीय अधिकृत अधिकारी संलग्न रहेको आशंकामा माघ १० सम्म बिदा बस्न लगाएका थिए। सोही बीचमा सामानय प्रशासन मन्त्रालयले अधिकृत हेरफेर गरेको हो।

प्रकाशित मिति: शुक्रबार, माघ ५, २०८० १८:२३

प्रतिक्रिया दिनुहोस्