आजदेखि डेढ महिना कान्ति लोकपथ बन्द

पूर्वाधार

गृहपृष्ठ
पूर्वाधार

आजदेखि डेढ महिना कान्ति लोकपथ बन्द

क्यापिटल नेपालबिहीबार, चैत १, २०८०

मकवानपुर। आजदेखि कान्ति लोकपथमा सवारीसाधन बन्द गरिएको छ। आगामी ४५ दिनका लागि कान्ति लोकपथमा सवारीसाधन आवतजावत बन्द गरिएको हो। काठमाडौंबाट हेटौँडा जोड्ने कान्ति लोकपथअन्तर्गत पर्ने ललितपुरको भट्टेडाँडास्थित सडक मर्मतसम्भार गर्ने उद्देश्यले बिहीबार बिहानदेखि यातायात सेवामा रोक लगाइएको जिल्ला प्रहरी कार्यालय मकवानपुरले बताएको छ।

उक्त सडक निर्माणका क्रममा चैत १ गतेदेखि आगामी २०८१ वैशाख १५ गतेसम्म यातायात सञ्चालनमा रोक लगाइएको सडक विभागले जिल्ला प्रहरी कार्यालय मकवानपुरलाई जानकारी गराएको जिप्रका मकवानपुरका प्रवक्ता प्रहरी नायब उपरीक्षक लक्ष्मी भण्डारीको भनाइ छ।

उनका अनुसार, काठमाडौँबाट कान्ति लोकपथ हुँदै आउने सवारीसाधनलाई काठमाडौँको थानकोट–मकवानपुरको चित्लाङ हुँदै हेटौँडातर्फ आवतजावत गर्न अनुमति प्रदान गरिएको छ। उक्त सडकमा हल्का सवारीसाधन दैनिक २ हजारभन्दा बढी आवतजावत गर्ने गरेको भीमफेदी इलाका प्रहरी कार्यालय मकवानपुरले बताएको छ।

प्रकाशित मिति: बिहीबार, चैत १, २०८० १३:२४

प्रतिक्रिया दिनुहोस्