भूकम्पबाट ध्वस्त भेरी र आठबिसकोट नगरपालिका पुनर्निर्माण गर्ने एनआरएनएको घोषणा

पूर्वाधार

गृहपृष्ठ
पूर्वाधार

भूकम्पबाट ध्वस्त भेरी र आठबिसकोट नगरपालिका पुनर्निर्माण गर्ने एनआरएनएको घोषणा

क्यापिटल नेपालबिहीबार, चैत ८, २०८०

काठमाडौं। गैरआवासीय नेपाली संघ (एनआरएनए)ले भूकम्पबाट ध्वस्त दुई नगरपालिका पुनर्निर्माणमा सहयोग गर्ने भएको छ। एनआरएनएले गत कात्तिक १७ को भूकम्पबाट सबैभन्दा बढी क्षति भएको जाजरकोटको भेरी र रुकुम पश्चिमको आठबीसकोट नगरपालिका पुनर्निर्माणमा आर्थिक सहयोग गर्ने भएको हो।

काठमाडौंमा हालै सम्पन्न संघको वार्षिक साधारणसभामा दुवै नगरपालिका पुनर्निर्माणसम्बन्धी सम्झौतामा हस्ताक्षर भएको छ। सम्झौतामा संघका संरक्षक डा. शेष घले, अध्यक्ष विनोद कुँवरले हस्ताक्षर गरेका छन् भने भेरी नगरप्रमुख चन्द्रप्रकाश घर्ती र आठबीसकोट नगरप्रमुख रवि केसीले हस्ताक्षर गरेका छन्।

संघ अध्यक्ष कुँवरले आफूहरुले भूकम्पबाट सबैभन्दा बढी क्षति पुगेको दुई नगरपालिका पुनर्निमाणमा सहयोग गर्न लागेको जानकारी दिए।

उनले भने, ‘हामीलाई अरु केही चाहिँदैन। सहज काम गर्ने वातावरण बनाई दिनुहोला। नेपालमा राम्रो काम गर्दा पनि अवरोध भएका अनुभव छन्। यसमा राजनीतीकरण गरेर असहज नबनाई दिनुहोला।’ उनले ७२ भूकम्पमा संरक्षक घलेको नेतृत्वमा लाप्राकको बस्ती नै बनाइदिएको स्मरण गरे।

प्रकाशित मिति: बिहीबार, चैत ८, २०८० १५:१३

प्रतिक्रिया दिनुहोस्