एसियाली राजमार्गको पहिलो चरण निर्माण सुरु, लागत सवा २८ अर्ब

पूर्वाधार

गृहपृष्ठ
पूर्वाधार

एसियाली राजमार्गको पहिलो चरण निर्माण सुरु, लागत सवा २८ अर्ब

क्यापिटल नेपालसोमबार, चैत १२, २०८०

झापा। एसिया महादेशका ३२ मुलुकलाई जोड्ने ‘एसियाली राजमार्ग’को पहिलो चरण निर्माण सुरु भएको छ।

पहिलो चरणको कार्यअन्तर्गत झापाको कमल गाउँपालिकाको सीतापुरीदेखि इटहरीको देवी खोलासम्मको पश्चिम खण्डमा रुख कटान सुरु भएको हो।त्यसमध्ये पश्चिम खण्डको सडक निर्माण जिम्मा काठमाडौंको जैन सिआर, एफजी टुडी कम्पनीले पाएको छ।

एसियाली विकास बैंकको सहयोगमा एसियन हाइवेसँग जोडिएको पूर्वी नेपालको काँकडभिट्टादेखि सुनसरीको लौकहीसम्म १२० किलोमिटर सडक चार लेनको काम अघि बढेको जैन सिआर, एफजी टुडी कम्पनीका प्रतिनिधि हरिप्रसाद पराजुलीले जानकारी दिए।

पश्चिम खण्डका क्षेत्रमा करिब ६ हजार ७३७ रुख कटान हुने तथा तीन वर्षभित्र सडक निर्माण गर्ने गरी सम्झौता भएको कम्पनीका प्रतिनिधि पराजुलीले बताए।

एसियाली विकास बैंकको २८ अर्ब १७ करोडको लागतमा झापा, मोरङ र सुनसरीसँग जोडिएको पूर्व–पश्चिम राजमार्गको १२० किमि क्षेत्र चार लेनको बन्ने भएको छ। जम्मा ७१ नयाँ पुलसहित राजमार्ग विस्तार हुने कम्पनीका प्रतिनिधि पराजुलीले बताए।–रासस

प्रकाशित मिति: सोमबार, चैत १२, २०८० १५:४९

प्रतिक्रिया दिनुहोस्