चैते धानको न्यूनतम समर्थन मूल्य निर्धारण (मन्त्रिपरिषद्‍का निर्णयसहित)

राजनीति

गृहपृष्ठ
राजनीति

चैते धानको न्यूनतम समर्थन मूल्य निर्धारण (मन्त्रिपरिषद्‍का निर्णयसहित)

क्यापिटल नेपाल बिहीबार, चैत १५, २०८०

काठमाडौं। सरकारले चालू आर्थिक वर्ष २०८०/८१ को लागि चैते धानको न्यूनतम समर्थन मूल्य तोकेको छ। बिहीबार बसेको मन्त्रिपरिषद्को बैठकले १८ प्रतिशतसम्म चिस्यान भएको चैते धानको प्रतिक्विन्टल २ हजार ७०७.२८ रुपैयाँ निर्धारण गरेको हो।

त्यस्तै १८ प्रतिशतभन्दा बढी चिस्यान भएको चैते धानको हकमा एक प्रतिशत चिस्यानका लागि प्रतिक्विन्टल १२०० ग्रामका दरले हुन आउने तौल घटाई कायम हुन आउने कृषि तथा पशुपन्छि विकास मन्त्रालयले जनाएको छ। सो तौलका आधारमा न्यूनतम समर्थन मूल्य कायम गर्ने हुने निर्णय गरिएको छ।

त्यस्तै मन्त्रिपरिषद्‍ बैठकले नेपाल पर्यटन बोर्डको कार्यकारी सदस्यमा ऋषिराम भण्डारी, राजेन्द्रबहादुर लामा र रामप्रसाद सापकोटालाई मनोनयन गर्ने निर्णय पनि गरेको छ।

त्यस्तै मन्त्रिपरिषद्‍को बैठकलले सहसचिव हरिप्रसाद लम्साललाई सचिवमा बढुवा गर्ने निर्णय पनि गरेको छ। त्यस्तै आगामी आर्थिक वर्ष २०८१/८२ का लागि प्रदेश र स्थानीय तहलाई उपलब्ध गराउने राजस्व बाँडफाँडको ढाँचा र हिस्साअनुसार अनुमानित राजस्व पनि स्वीकृति गर्ने निर्णय सरकारले गरेको छ।

त्यस्तै सरकारको गत आर्थिक वर्ष २०७९/८० को वार्षिक प्रतिवेदनलाई स्वीकृति गरी राष्ट्रपतिसमक्ष पेस गर्ने निर्णय पनि मन्त्रिपरिषद्‍ बैठकले गरेको छ।

प्रकाशित मिति: बिहीबार, चैत १५, २०८० २०:३६

प्रतिक्रिया दिनुहोस्