सर्वोत्तम सिमेन्टको लाभांश घोषणा, वार्षिक साधारण सभा पनि आह्वान

सेयर

गृहपृष्ठ
सेयर

सर्वोत्तम सिमेन्टको लाभांश घोषणा, वार्षिक साधारण सभा पनि आह्वान

क्यापिटल नेपाल मंगलबार, चैत २०, २०८०

काठमाडौं। सर्वोत्तम सिमेन्टले सेयरधनीहरूलाई दिने लाभांश घोषणा गरेको छ। कम्पनीको मंगलबार बसेको सञ्चालक समितिको बैठकले आर्थिक वर्ष २०७९/८० सम्मको मुनाफाबाट लाभांश दिने निर्णय गरेको हो। कम्पनीले चुक्ता पुँजीको १५ प्रतिशत नगद लाभांश (करसहित) दिने घोषणा गरेको छ।

प्रस्तावित लाभांश साधारण सभाबाट पारित भएपछि सेयरधनीहरूले पाउनेछन्। सोही बैठकले कम्पनीको ५औं वार्षिक साधारण सभा समेत बोलाएको छ। सभा आगामी वैशाख १२ गते रूपन्देहीमा हुनेछ।

उक्त सभाबाट गत आर्थिक वर्षको वित्तीय विवरणहरु पारित गरिनुका साथै ५ जना संस्थापक र एक जना सर्वसाधारण सेयरधनीको तर्फबाट प्रतिनिधित्व गर्ने सञ्चालकको निर्वाचन गर्ने प्रस्ताव समेत पारित गरिनेछ।

लाभांश वितरण तथा साधारण सभा प्रयोजनका लागि कम्पनीले चैत ३० गते (एक दिन) बुक क्लोज गर्ने भएको छ। चैत २९ गतेसम्म कायम सेयरधनीहरूले मात्र उक्त सभामा भाग लिन र प्रस्तावित लाभांश पाउनेछन्।

433004877_294256317032961_6275586019427215172_n-1712070530.jpg