१४ सय रुपैयाँले बढ्यो सुनको मूल्य

अर्थतन्त्र

गृहपृष्ठ
अर्थतन्त्र

१४ सय रुपैयाँले बढ्यो सुनको मूल्य

क्यापिटल नेपालशुक्रबार, वैशाख १४, २०८१

काठमाडौं। नेपाली बजारमा शुक्रबार सुनको मूल्य बढेको छ। नेपाल सुनचाँदी व्यवसायी महासंघका अनुसार बिहीबारको तुलनामा प्रतितोला १४ सय रुपैयाँका दरले सुनको मूल्य बढेको हो।

शुक्रबारका लागि नेपाली बजारमा छापावाल सुनको मूल्य प्रतितोला १ लाख ३७ हजार २ सय रुपैयाँ कायम गरिएको महासंघले जानकारी दिएको छ। यसअघि बिहीबार छापावाल सुनको मूल्य प्रतितोला १ लाख ३५ हजार ८ सय रुपैयाँ रहेको थियो।

शुक्रबारका लागि तेजावी सुनको मूल्य प्रतितोला १ लाख ३६ हजार ५५० रुपैयाँ तोकिएको छ। यसअघि बिहीबार तेजावी सुन प्रतितोला १ लाख ३५ हजार १५० रुपैयाँका दरले कारोबार भएको थियो।

यसअघि यही वैशाख ७ गते नेपाली बजारमा सुनको मूल्य हालसम्मकै उचाइमा पुगेको थियो। सो दिन प्रतितोला १लाख ३९ हजार ३ सय रुपैयाँ प्रतितोलाका दरले सुनको कारोबार भएको थियो। शुक्रबारका लागि चाँदीको मूल्य प्रतितोला १ हजार ६ सय ७५ रुपैयाँ तोकिएको छ। बिहीबार चाँदी प्रतितोला १ हजार ६५५ रुपैयाँका दरले कारोबार भएको थियो।

प्रकाशित मिति: शुक्रबार, वैशाख १४, २०८१ १०:५९

प्रतिक्रिया दिनुहोस्