जलविद्युत्‌मा बैंकको २० प्रतिशत लगानी अनिवार्य गर्न माग

पूर्वाधार

गृहपृष्ठ
पूर्वाधार

जलविद्युत्‌मा बैंकको २० प्रतिशत लगानी अनिवार्य गर्न माग

क्यापिटल नेपाल बिहीबार, जेठ ३, २०८१

काठमाडौं। जलविद्युत् क्षेत्रमा बैंक तथा वित्तीय संस्थाले अनिवार्य २० प्रतिशत लगानी गर्नुपर्ने व्यवस्था गरिनुपर्ने माग सरोकारवालाले गरेका छन्।

स्वतन्त्र ऊर्जा उत्पादकहरुको संस्था (इप्पान)का अध्यक्ष गणेश कार्कीले प्रिबजेट छलफल कार्यक्रममा उक्त माग राखेका हुन्। ‘बैंक तथा वित्तीय संस्थाले कम्तीमा २० प्रतिशत लगानी गर्नुपर्ने व्यवस्था बजेटमार्फत् गर्नुपर्छ,' उनले भने, ‘कतिपय संस्थाहरू नाफाविहीन बन्नुपर्दछ र रोक्का गरिएको पैसा सञ्चालन गर्ने वातावरण बनाउनुपर्छ।'

उनले सरकारी नीतिमा भएका सामान्य शब्दका कारण सामान रोकिने अवस्था रहेकाले नीतिगत रुपमै सोच्नुपर्ने पनि बताए। त्यस्तै प्रसारण लाइन निर्माण र निजी क्षेत्रलाई विद्युत् व्यापार खोल्न उनले माग गरे।

विद्युत खपत बढाउन पूर्वाधार विकास बजेट बढाउन अध्यक्ष कार्कीको सुझाव छ। साथै, अध्यक्ष कार्कीले आगामी आर्थिक वर्षको बजेटमार्फत ऊर्जा दशक घोषणा गरी ऊर्जा क्षेत्रका लागि विशेष सुरक्षा नीति ल्याउनुपर्ने बताए।

बिहीबार इकोनोमिक मिडिया एसोसिएसन नेपाल (इमान) ले स्वतन्त्र ऊर्जा उत्पादक संघ (इप्पान) र नाडा अटोमोबाइल्स एसोसिएसन अफ नेपालसँगको सहकार्यमा प्रिबजेट छलफल कार्यक्रम गरेको थियो।

प्रकाशित मिति: बिहीबार, जेठ ३, २०८१ १३:१३

प्रतिक्रिया दिनुहोस्