सिरोहिया पक्राउविरुद्ध जनकपुर उद्योग वाणिज्य संघले आन्दोलन गर्ने

समाज

गृहपृष्ठ
समाज

सिरोहिया पक्राउविरुद्ध जनकपुर उद्योग वाणिज्य संघले आन्दोलन गर्ने

क्यापिटल नेपाल बुधबार, जेठ ९, २०८१

जनकपुरधाम । कान्तिपुर मिडिया ग्रुपका अध्यक्ष कैलाश सिरोहियालाई पक्राउ गरेको विरोधमा जनकपुर उद्योग वाणिज्य संघले आन्दालोनको तयारी गरेको छ।

संघको कार्यालयमा आज बसेको सर्वपक्षीय बैठकले सिरोहिया पक्राउको विरोधमा प्रदर्शन गर्ने तयारी गरिरहेको हो। उनी पक्राउविरुद्ध के-कस्ता आन्दोलनका कार्यक्रम गर्ने भन्ने बारेमा छलफल भइरहेको बताइएको छ।

उद्योग वाणिज्य संघका अध्यक्ष जितेन्द्र महासेठको अध्यक्षतामा बसिरहेको बैठकमा वाणिज्य संघका पूर्वअध्यक्ष, वर्तमान कार्यसमिति पदाधिकारी, पूर्वमेयर, व्यापारी, पत्रकारलगायतको उपस्थिति छ।

बैठकपछि उद्योग वाणिज्य संघको अगुवाइमा कान्तिपुरका अध्यक्ष सिरोहियालाई प्रहरीले पक्राउ गरेको विरोधमा प्रदर्शनसहित जिल्ला प्रहरी कार्यालयमा धर्ना दिने कार्यक्रम रहेको छ।

अध्यक्ष सिरोहियालाई नागरिकता सम्बन्धी कसुरमा मंगलबार प्रहरीले कान्तिपुर पब्लिकेशनस्थित कार्यकक्षबाटै पक्राउ गरेको थियो।

प्रकाशित मिति: बुधबार, जेठ ९, २०८१ १०:३३

प्रतिक्रिया दिनुहोस्