रिडी–तम्घास सडक खण्ड दिनहुँ १२ घन्टा बन्द

पूर्वाधार

गृहपृष्ठ
पूर्वाधार

रिडी–तम्घास सडक खण्ड दिनहुँ १२ घन्टा बन्द

क्यापिटल नेपालशुक्रबार, जेठ १८, २०८१

काठमाडौं। आजदेखि रिडी–तम्घास सडक खण्ड स्तरोन्नतिका लागि पुनः एक महिनासम्म बन्द हुने भएको छ।

स्तरोन्नतिसँगै कालोपत्रे गर्ने काम भइरहेकाले आजदेखि १६ असारसम्म सडक बन्द गरिएको जिल्ला प्रशासन कार्यालय गुल्मीले सूचनामार्फत जानकारी गराएको हो।

कार्यालयका अनुसार जेठ १८ देखि असार १६ सम्म बिहान १० देखि ४ बजेसम्म र राती १० देखि बिहान ४ बजेसम्म सडक बन्द हुनेछ। बन्द अवधिमा वैकल्पिक सडक प्रयोग गरेर यात्रा गर्न जिल्ला प्रशासन कार्यालयले अनुरोध गरेको छ।

मदन भण्डारी राजमार्गअन्तर्गत तम्घास–रिडी सडक खण्डको रिडीदेखि राजासम्मको २५ किलोमिटर क्षेत्रमा सडक स्तरोन्नतिसँगै कालोपत्रे गरिँदै आएको छ। गत चैतदेखि सडक बन्द गरेर काम हुँदै आएको हो।

सवारी साधनको चाप बढेसँगै पुरानो बाटो साँघुरो भएकाले रिडीबाट सदरमुकाम तम्घाससम्मको ४५ किलोमिटर सडक खण्ड विस्तार गरिँदैछ।

प्रकाशित मिति: शुक्रबार, जेठ १८, २०८१ ११:०७

प्रतिक्रिया दिनुहोस्