सडक डिभिजनले न्यूरोड सडक मर्मत खर्च असुल्ने, कति तिर्नुपर्छ महानगरले?

पूर्वाधार

गृहपृष्ठ
पूर्वाधार

सडक डिभिजनले न्यूरोड सडक मर्मत खर्च असुल्ने, कति तिर्नुपर्छ महानगरले?

क्यापिटल नेपालसोमबार, जेठ २१, २०८१

काठमाडौं । सडक डिभिजन कार्यालय काठमाडौंले काठमाडौं महानगरपालिकासँग न्यूरोड क्षेत्रमा भत्काएको सडक पुरानै संरचनामा मर्मत गर्दा लागेको रकम असुल्ने भएको छ। विभागले क्षतिपूर्ति स्वरुप ८ देखि १० लाख रुपैयाँ असुल्ने भएको हो।

डिभिजन कार्यालय प्रमुख नारायणदत्त भण्डारीका अनुसार बुधबारसम्म खर्चको विवरण तयार गरेर महानगरलाई पत्र पठाइने छ। ‘खर्च एकिन नभइ पत्र पठाउन मिल्दैन। ८ देखि १० लाखसम्म खर्च हुन्छ होला,’ प्रमुख भण्डारीले भने। महानगरले पत्रका आधारमा मर्मत खर्च नदिए रकम असुल गर्न केन्द्रीय तहशिल कर्यालयमा पत्र पठाइने कार्यालयले जनाएको छ।

डिभिजन कार्यालयको क्षेत्राधिकारभित्रको सडक महानगरले अनुमति बिना खनेको भन्दै डिभिजन कार्यालयले मर्मत गर्न पत्राचार गर्दै आएको थियो। तर, महानगरले मर्मत नगरेपछि आज बिहान डिभिजन कार्यालय आफैँले सडक मर्मत गरी खर्च असुल्न लागेको हो।

प्रकाशित मिति: सोमबार, जेठ २१, २०८१ १३:४९

प्रतिक्रिया दिनुहोस्