२.३ प्रतिशत बिन्दुले घट्यो ब्याजदर

अर्थतन्त्र

गृहपृष्ठ
अर्थतन्त्र

२.३ प्रतिशत बिन्दुले घट्यो ब्याजदर

क्यापिटल नेपालसोमबार, जेठ २८, २०८१

काठमाडौं। अघिल्लो वर्षभन्दा गत आर्थिक वर्ष २०८०/८१ को १० महिने अवधिमा बैंकको ब्याजदर घटेको तथ्यांक राष्ट्र बैंकले सार्वजनिक गरेको छ।

सोमबार नेपाल राष्ट्र बैंकले सार्वजनिक गरेको आर्थिक वर्ष २०८०/८१ को १० महिने तथ्यांकमा आधारित देशको वर्तमान आर्थिक तथा वित्तीय स्थितिअनुसार ब्याजदर १० १०.३४ प्रतिशत कायम भएको हो। यस्तो ब्याजदर अघिल्लो आवमा १२.६५ प्रतिशत थियो।

ब्याजदर अघिल्लो आवमा भन्दा २.३ प्रतिशतले घटेको राष्ट्र बैंकको तथ्यांकमा उल्लेख छ।

तथ्यांकअनुसार बैंकको आधार दर पनि १.९३ प्रतिशतले घटेको छ। आव २०८०/८१ को १० महिने अवधि वैशाखसम्म बैंकको आधारण दर ८.३४ प्रतिशत कायम भएको छ।

अघिल्लो आवमा यस्तो आधार दर १०.२७ प्रतिशत थियो।

यस्तै, बैंक तथा वित्तीय संस्थाबीचको अन्तरबैंक कारोबार औसत ब्याजदर २०८० वैशाखमा ७.०० प्रतिशत रहेकोमा अहिले २.८८ प्रतिशत कायम भएको छ। २०८१ वैशाखमा वाणिज्य बैंकहरुको औसत आधार दर ८.३४ प्रतिशत, विकास बैंकहरुको १०.१५ प्रतिशत र वित्त कम्पनीको ११.६१ प्रतिशत रहेको छ। अघिल्लो वर्षको चैतमा वाणिज्य बैंकहरुको औसत आधार दर १०.२७ प्रतिशत थियो।

प्रकाशित मिति: सोमबार, जेठ २८, २०८१ १७:४७

प्रतिक्रिया दिनुहोस्