११ महिनामा १८ खर्बको आयात, २ खर्बको निर्यात

अर्थतन्त्र

गृहपृष्ठ
अर्थतन्त्र

११ महिनामा १८ खर्बको आयात, २ खर्बको निर्यात व्यापार घाटा १६ खर्ब १६ अर्ब पुग्यो

क्यापिटल नेपाल सोमबार, असार ८, २०८३

काठमाडौं। चालू आर्थिक वर्ष २०८२/८३ को ११ महिना (साउन–जेठ)सम्म १८ खर्ब ९४ अर्ब ९ करोड रुपैयाँ बराबरको वस्तु तथा सेवा आयात भएको छ। सोही अवधिमा नेपालबाट २ खर्ब ७७ अर्ब ९६ करोड रुपैयाँ बराबरको वस्तु तथा सेवा निर्यात भएको भन्सार विभागको तथ्यांक छ।

११ महिने अवधिमा नेपालबाट हुने वस्तु तथा सेवाको निर्यात १२.२८ प्रतिशतले बढेको छ। चालू आर्थिक वर्ष २०८२÷८३ को ११ महिनामा नेपालबाट २ खर्ब ७७ अर्ब ९६ करोड रुपैयाँ बराबरको वस्तु तथा सेवा निर्यात भएको छ, जुन अघिल्लो आर्थिक वर्ष २०८१÷८२ को तुलनामा १२.२८ प्रतिशतले बढी हो।

अघिल्लो आर्थिक वर्ष २०८१÷८२ को सोही अवधिमा नेपालबाट २ खर्ब ४७ अर्ब ५७ करोड रुपैयाँ बराबरको वस्तु तथा सेवा निर्यात भएको थियो। निर्यातमा वृद्धि भएसँगै आयात पनि १५.१६ प्रतिशतले बढेको छ। चालू आर्थिक वर्ष २०८२÷८३ को ११ महिनामा विभिन्न मुलुकबाट १८ खर्ब ९४ अर्ब ९ करोड रुपैयाँ बराबरको वस्तु तथा सेवा आयात भएको छ।

अघिल्लो आर्थिक वर्ष २०८१÷८२ को सोही अवधिमा १६ खर्ब ४४ अर्ब ७९ करोड रुपैयाँ बराबरको वस्तु तथा सेवा आयात भएको थियो, जुन आर्थिक वर्ष २०८१÷८२ को तुलनामा १२.५४ प्रतिशतले बढी हो।

अघिल्लो आर्थिक वर्ष २०८१÷८२ को तुलनामा व्यापार घाटा भने १५.६७ प्रतिशतले बढेको छ। चालू आर्थिक वर्षको साउनदेखि फागुनसम्म नेपालको व्यापार घाटा १६ खर्ब १६ अर्ब १३ करोड रुपैयाँ छ। अघिल्लो वर्षको सोही अवधिमा यस्तो व्यापार घाटा १३ खर्ब ९७ अर्ब २२ करोड रुपैयाँ थियो।

प्रकाशित मिति: सोमबार, असार ८, २०८३ ११:४८

प्रतिक्रिया दिनुहोस्