११ महिनामा २६ अर्बको १७ लाख बढी स्मार्टफोन आयात

अर्थतन्त्र

गृहपृष्ठ
अर्थतन्त्र

११ महिनामा २६ अर्बको १७ लाख बढी स्मार्टफोन आयात

क्यापिटल नेपालआइतबार, असार ९, २०८१

काठमाडौं। ११ महिनामा २६ अर्ब बढीको १७ लाख स्मार्टफोन नेपाल भित्रिएका छन्। चालू आर्थिक वर्षको ११ महिना (साउनदेखि जेठसम्म)मा कुल २६ अर्ब ३३ करोड रुपैयाँ बराबरको १७ लाख १० हजार १३५ स्मार्टफोन नेपाल भित्रिएका हुन्।

उक्त आयातबाट सरकारले ४ अर्ब ९० करोड रुपैयाँ बढीको राजस्व संकलन गरेको छ। गत आर्थिक वर्षको सोही अवधिमा भने नेपालमा कुल २२ अर्ब ३८ करोड रुपैयाँ बराबरको १४ लाख २७ हजार स्मार्टफोन नेपाल भित्रिएको थियो।

गत वर्षको तुलनामा चालू आर्थिक वर्षको ११ महिनामा कुल ३ अर्ब ९४ करोड रुपैयाँ बढीको स्मार्टफोन नेपाल भित्रिएको छ। गत वर्षको तुलनामा चालू वर्ष भित्रिएको मोबाइलको संख्या २ लाख ८२ हजार बढी हो।

भन्सार विभागको तथ्यांकअनुसार जेठ महिनामा मात्रै नेपालमा २ अर्ब ३१ करोड रुपैयाँको १ लाख ८१ हजार ४९१ स्मार्टफोन भित्रिएका छन्। यसबाट सरकारले ४३ करोड २४ लाख रुपैयाँ राजस्वसमेत गरेको छ।

प्रकाशित मिति: आइतबार, असार ९, २०८१ २०:४३

प्रतिक्रिया दिनुहोस्