स्थानीय तहलाई १७ अर्ब वित्तीय समानीकरण अनुदान पठाइँदै

अर्थतन्त्र

गृहपृष्ठ
अर्थतन्त्र

स्थानीय तहलाई १७ अर्ब वित्तीय समानीकरण अनुदान पठाइँदै

क्यापिटल नेपालसोमबार, असार १०, २०८१

काठमाडौं। सरकारले स्थानीय तहलाई वित्तीय समानीकरण अनुदान दिने भएको छ। सोमबारको मन्त्रिपरिषद् बैठकले आर्थिक वर्ष २०८०/८१ को हस्तान्तरण हुन बाँकी समानीकरण अनुदान स्थानीय तहलाई दिने निर्णय गरेको हो।

मन्त्रिपरिषद् निर्णयपछि स्थानीय तहले तत्काल १६ अर्ब ९९ करोड २२ लाख रुपैयाँ पाउनेछन्। सरकारले चालू आर्थिक वर्षमा ८७ अर्ब ३५ करोड २९ लाख रुपैयाँ स्थानीय तहलाई अनुदान दिने घोषणा गरेको थियो। तर, उक्त पूरै रकम नदिई ९३ प्रतिशत रकम मात्रै हस्तारन्तरण गरिने सञ्चारमन्त्री एवं सरकारका प्रवक्ता रेखा शर्माले बताइन्।

संघीय सरकारले पहिला समानीकरण अनुदान दिने घोषणा गरेपछि स्थानीय तहले विभिन्न ठेक्का सम्झौतादेखि अन्य काम गरेका थिए। तर, आर्थिक वर्षको अन्त्यमा संघ सरकारले घोषणअनुसार अनुदान नदिएको भन्दै स्थानीय तह आन्दोलनमा उत्रिएका थिए।