जाल्पा सामुदायिक लघुवित्त र किसान लघुवित्तले एकीकृत कारोबार गर्ने

बैंकिङ

गृहपृष्ठ
बैंकिङ

जाल्पा सामुदायिक लघुवित्त र किसान लघुवित्तले एकीकृत कारोबार गर्ने

क्यापिटल नेपालआइतबार, असार २३, २०८१

काठमाडौं । नेपाल राष्ट्र बैंकले जाल्पा लघुवित्त वित्तीय संस्था र किसान लघुवित्त वित्तीय संस्थालाई एकीकृत कारोबारको अन्तिम स्वीकृति दिएको छ। स्वीकृति पाएसँगै दुबै कम्पनीले मातृभूमि लघुवित्त वित्तीय संस्था लिमिटेडको नामबाट असार २७ गतेदेखि एकीकृत कारोबार गर्ने भएका छन्।

बुटवल उपमहानगरपालिका–११, रुपन्देहीमा रजिष्टर्ड कार्यालय रहेको जाल्पा सामुदायिक लघुवित्त वित्तीय संस्था र लम्कीचुहा नगरपालिका– ४, कैलालीमा रजिष्टर्ड कार्यालय भएको किसान लघुवित्त वित्तीय संस्थाबीच एक आपसमा गाभ्ने/ गाभिने (मर्जर) सन्दर्भमा नेपाल राष्ट्र बैंकले गत जेठ २९ गते 'घ' वर्गको राष्ट्रियस्तर कार्यक्षेत्र भएको मातृभूमि लघुवित्त वित्तीय संस्थाको नामबाट कारोबार सञ्चालन गर्ने गरी अन्तिम स्वीकृति दिएको हो।

दुई कम्पनी गत चैत १८ गते एक आपसमा मर्जरमा जाने अन्तिम सम्झौतापत्रमा हस्ताक्षर गरेका थिए। संस्थाको केन्द्रीय कार्यालय लम्कीचुहा, कैलाली र कर्पोरेट कार्यालय बूढानीलकण्ठ काठमाडौं रहनेछ।