सिटिजन्स बैंकको संचालकमा अनिल ज्ञवाली नियुक्त

बैंकिङ

गृहपृष्ठ
बैंकिङ

सिटिजन्स बैंकको संचालकमा अनिल ज्ञवाली नियुक्त

क्यापिटल नेपाल मंगलबार, असार २५, २०८१

काठमाडौं । सिटिजन्स बैंक इन्टरनेसनलको सञ्चालक अनिल ज्ञवाली नियुक्त भएका छन्। असार २४ गते बसेको बैंकको सञ्चालक समितिको बैठकले ज्ञवालीलाई सञ्चालकमा नियुक्त गर्ने निर्णय गरेको हो।

नव नियुक्त संचालक ज्ञवालीसँग बैंकिंग क्षेत्रमा करिव साढे तीन दशक लामो अनुभव रहेको छ। शाखा संचालन तथा जोखिम व्यवस्थापनमा अब्बल तथा अनुभवी बैंकरका रूपमा परिचित ज्ञवालीले विभिन्न वाणिज्य बैंकको महत्वपूर्ण ओहदामा रहि आफ्नो कार्यकुशलता प्रदर्शन गरि सकेका छन्।

वाणिज्य बैंकमा सहायक प्रबन्धक बाट बैंकिंग पेशा शुरु गर्नु भएका ज्ञवालीसँग नेपालका ठूला २ वटा वाणिज्य बैंक तथा नेपाल पूर्वाधार बैंकको प्रमुख कार्यकारी अधिकृतको रुपमा कार्यसम्पादन गरेको लामो अनुभव रहेको छ। फिलिपिन्सबाट व्यवस्थापन विषयमा स्नातकोत्तर गरेका ज्ञवालीसँग अन्तर्राष्ट्रिय बैंकमा काम गरेको अनुभव समेत रहेको छ।