मध्याह्नबाट भैरहवा विमानस्थल सञ्चालन

समाज

गृहपृष्ठ
समाज

मध्याह्नबाट भैरहवा विमानस्थल सञ्चालन

क्यापिटल नेपाल शुक्रबार, असार २८, २०८१

भैरहवा । भैरहवास्थित गौतमबुद्ध अन्तराष्ट्रिय विमानस्थल शुक्रबार मध्यान्हबाट सञ्चालनमा आएको छ। बिहीबार राति अवतरणका क्रममा धावनमार्गबाट बुद्ध एयरको जहाज चिप्लिएपछि अवरुद्ध बन्न पुगेकव विमानस्थल आज मध्यान्हबाट सञ्चालनमा आएको हो।

विमानस्थलका सूचना अधिकारी विनोद रावतले अहिले काठमाडौंबाट आएका विमानले अवतरण गरेर पुनः गन्तव्यमा उडान भरेको बताए।

धावनमार्गबाट चिप्लिएको बुद्ध एयरको जहाज भने अझैँ हटाउन सकिएको छैन। जहाज संवेदशील हुने भएकाले सावधानीपूर्वक हटाउने काम भइरहेको उनले बताए। धावनमार्गबाट ४/५ मिटर टाढा घाँसे मैदानमा पुगेको जहाजलाई शुक्रबार बिहानबाट बुद्ध एयरको प्राविधिक टिम, विमानस्थलको ग्राउण्डह्याण्डलिङ टिम र सुरक्षाकर्मीले निकालेर अराइभलमा ल्याउने प्रयास गरिरहेका छन्।

प्रकाशित मिति: शुक्रबार, असार २८, २०८१ १३:४२

प्रतिक्रिया दिनुहोस्