सरकारले भ्रष्टाचार हुनदिने छैन : प्रधानमन्त्री ओली

राजनीति

गृहपृष्ठ
राजनीति

सरकारले भ्रष्टाचार हुनदिने छैन : प्रधानमन्त्री ओली

क्यापिटल नेपाल आइतबार, भदौ २, २०८१

काठमाडौं । प्रधानमन्त्री केपी शर्मा ओलीले सरकारले भ्रष्टाचारमा शून्य सहनशीलताको नीति लिएकाले भ्रष्टाचार हुन नदिने बताएका छन्।

एमालेनिकट खेलकुद विभागको कार्यक्रममा बोल्दै ओलीले सरकार भ्रष्टाचार नियन्त्रणका लागि बनेकाले भ्रष्टाचार नियन्त्रणका नाममा स्टन्टबाजी नगर्ने बताए ।

‘अहिलेको सरकार भ्रष्टाचार नियन्त्रणका लागि बनेको हो। भ्रष्टाचार नियन्त्रणका नाममा स्टन्टबाजी गर्न र भ्रष्टाचार छोप्नका लागि होइन,' उनले भने, 'भ्रष्टाचार खोजबिन र कारबाही गर्ने हो। भ्रष्टाचारमा यो सरकारले शून्य सहनशीलता राख्छ। त्यो कुरा समयक्रममा व्यवहारमा देखिँदै जान्छ।’

सरकारले आग्रहवस कसैलाई फसाउने र कसैलाई जोगाउने कुरा सोच्नसमेत नसक्ने प्रधानमन्त्रीको भनाइ छ। न्याय र कानुन सबैका बराबर हुने भएकाले अनुहार र मान्छेको मुख हेरेर कुनै पनि व्यवहार नगरिने बताए। एउटा सुशासनयुक्त, समृद्ध आधुनिक, सुखी र आनन्दको नेपाल बनाउने सरकारको चाहना रहेको उनले प्रस्ट पारे।

प्रकाशित मिति: आइतबार, भदौ २, २०८१ १७:१०

प्रतिक्रिया दिनुहोस्