साउन २ अघिकै अवस्थामा फर्कियो सेयर कारोबार, नेप्से ३६ अंकले घट्यो

सेयर

गृहपृष्ठ
सेयर

साउन २ अघिकै अवस्थामा फर्कियो सेयर कारोबार, नेप्से ३६ अंकले घट्यो

क्यापिटल नेपाल बिहीबार, भदौ १३, २०८१

काठमाडौं। दैनिक सेयर कारोबार रकम साउन २ अघिकै अवस्थामा फर्किएको छ। साताको कारोबारको अन्तिम दिन बिहीबार सेयर बजारमा कुल १२ अर्ब ६ करोड रुपैयाँ बराबरको कारोबार भएको छ।

यसअघि साउन २ गते सेयर बजार सूचक नेपाल स्टक एक्सचेञ्ज (नेप्से) २३६४.७६ बिन्दु हुँदा पनि १२ अर्ब बराबरीको कारोबार भएको थियो। त्यसपछि लगातार बढ्दै गएको कारोबार रकम साउन ३१ गते हालसम्मकै उच्च अर्थात् २९ अर्ब ३० करोड रुपैयाँ बराबरको कारोबार भएको थियो।

त्यसपछि घटेर खुम्चिदै गएको कारोबार रकम बिहीबार १२ अर्बमै सीमित भएको हो। अघिल्लो कारोबार दिन बुधबार भने नेप्सेमा कुल १३ अर्ब ४९ करोडको कारोबार भएको थियो।

बिहीबार नेप्सेमा पनि उच्च अंकको गिरावट आएको छ। आज नेप्से ३६.८३ अंक अर्थात् १.३२ प्रतिशतले घटेर २७४९.५७ बिन्दुमा बन्द भएको हो। अघिल्लो कारोबार दिन बुधबार भने नेप्से ३.८० अंकले बढेर २७८६.४० बिन्दुमा बन्द भएको थियो।

बिहीबार कारोबारमा आएकामध्ये ५३ कम्पनीको सेयर मूल्य बढ्दा १८८ कम्पनीको घटेको छ। यस्तै, २ कम्पनीको सेयर मूल्य भने स्थिर छ।

बिहीबार कुथेली बुखारी स्मल हाइड्रोपावरको सेयर मूल्यमा सकरात्मक सर्किट लाग्दा रसुवागढी हाइड्रोपावरको सेयर मूल्य ९.९९ प्रतिशतले बढेको छ। यस्तै, थ्री स्टार हाइड्रोपावरको सेयर मूल्यमा नकरात्मक सर्किट लागेको छ।

प्रकाशित मिति: बिहीबार, भदौ १३, २०८१ १५:१२

प्रतिक्रिया दिनुहोस्