प्रभु बैंकको गण्डकीमा शैक्षिक केन्द्र स्थापना, शैक्षिक कर्जा उपलब्ध गराउने

कर्पोरेट बजार

गृहपृष्ठ
कर्पोरेट बजार

प्रभु बैंकको गण्डकीमा शैक्षिक केन्द्र स्थापना, शैक्षिक कर्जा उपलब्ध गराउने

क्यापिटल नेपाल सोमबार, भदौ ३१, २०८१

काठमाडौं। प्रभु बैंकले गण्डकी प्रदेश कार्यालयअन्तर्गत स्वदेश तथा विदेशमा उच्च शिक्षा अध्ययन गर्न जानेका लागि आवश्यक शैक्षिक कर्जा सहज तथा सरल रुपमा उपलब्ध गराउने उद्देश्यले गण्डकी प्रदेश कार्यालय पोखरामा शैक्षिक केन्द्र (एजुकेसन हब) स्थापना गरेको छ।

शैक्षिक केन्द्र उद्घाटन बैंककोृ गण्डकी प्रदेश, प्रमुख व्यवसाय केन्द अधिकृत शान्ति शेरचनले गरेकी हुन्।

स्वदेश तथा विदेशमा उच्च शिक्षा हासिल गर्न चाहने विद्यार्थीका लागि प्रदेश स्तरबाट उपलब्ध भूमिकालाई लक्षित गर्दै बैंकको गण्डकी प्रदेश कार्यालयअन्तर्गत विभाग स्थापना गरिएको हो।

केन्द्र स्थापनापछि नेपालबाट उच्च शिक्षा हासिल गर्न विभिन्न देशका कलेज तथा विश्वविद्यालयमा भर्ना हुन जाने विद्यार्थीलाई आवश्यक पर्ने कर्जाको सहज उपलब्धतामा टेवा पुग्ने विश्वास बैंकको छ।

शैक्षिक कर्जा सुविधा उपभोग गर्न प्रदेश कार्यालयको शैक्षिक केन्द्र तथा प्रदेशअन्तर्गतका विभिन्न शाखामा सम्पर्क राखेर ५ दिनभित्रै कर्जा स्वीकृत हुने व्यवस्था मिलाइएको बैंकले जनाएको छ।

बैंंकको गण्डकी प्रदेशअन्तर्गत ५५ शाखा सञ्चालनमा छन्। हाल बैंकले ३१५ शाखा, २८६ एटीएम, ६९ एक्सटेन्सन काउन्टरमार्फत बैंकिङ सेवा दिँदै आएको छ।

प्रकाशित मिति: सोमबार, भदौ ३१, २०८१ ११:५९

प्रतिक्रिया दिनुहोस्