राजनीति

सरकारको न्यूनतम साझा कार्यक्रम मन्त्रिपरिषद‍्बाट पारित, सहकारी प्रतिवेदन कार्यान्वयनलाई सम्बन्धित मन्त्रालय पठाइयो

क्यापिटल नेपाल बुधबार, असोज २, २०८१

काठमाडौं । सरकारको न्यूनतम साझा कार्यक्रम मन्त्रीपरिषद‍्बाट पारित भएको छ। बुधबारको मन्त्रीपरिषद् बैठकले सरकारको न्यूनतम साझा कार्यक्रम पारित गरेको हो।

वर्तमान सरकारको साझा संकल्प तथा नीतिगत प्रतिबद्धता कार्यान्वयन गर्ने निर्णय भएको सरकारका प्रवक्ता एवं सञ्चार तथा सूचना प्रविधिमन्त्री पृथ्वी सुब्बा गुरुङले जानकारी दिए।

यसअघि बुधबार सरकारको न्यूनतम साझा कार्यक्रमको मस्यौदा तयार गर्न गठित चार सदस्यीय कार्यदलले कार्यक्रमको मस्यौदा प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवालाई बुझाएकोमा मन्त्रिपरिषद्ले पारित गरेको हो।

यस्तै सरकारले सहकारीसम्बन्धी संसदीय विशेष छानबिन समितिको प्रतिवेदन कार्यान्वयनका लागि सम्बन्धित मन्त्रालय पठाएको छ।

बैठकले प्रतिवेदन सम्बन्धित मन्त्रालय पठाउने र मन्त्रालयले नै अध्ययनसहित आवश्यक कारबाही गर्ने निर्णय गरेको गुरुङले बताए।

उनले सरकारले संसदमा प्रस्तुत भएको सहकारी संस्था बचत रकम दुरुपयोग सम्बन्धी छानबिन प्रतिवेदन, २०८१ लाई कार्यान्वयनका लागि भूमि, व्यवस्था, सहकारी तथा गरिबी निवारण मन्त्रालयमा पठाउने निर्णय भएको उनको भनाइ छ।

यस्तो छ सरकारको साझा संकल्प