वार्षिक सात टन मह उत्पादन, लोभलाग्दो आम्दानी लिँदै घोराहीका घर्ती

कृषि

गृहपृष्ठ
कृषि

वार्षिक सात टन मह उत्पादन, लोभलाग्दो आम्दानी लिँदै घोराहीका घर्ती

क्यापिटल नेपालबुधबार, कात्तिक ७, २०८१

दाङ। घोराही उपमहानगर–१८ सुपैला खुटीका ५७ वर्षीय श्रीधन घर्ती हिजोआज मौरी स्याहारमा व्यस्त छन्। लामो समय वैदेशिक रोजगारीमा बिताएपछि उनले व्यावसायिक रूपमा मौरीपालन थालेको १६ वर्ष पूरा भएको छ।

हाल उनको फार्ममा एक सय ५० मौरीसहितका घार छन्। घर्तीले वर्षमा सात टन मह उत्पादन गरेर लोभलाग्दो आम्दानी पनि गर्दै आउनुभएको छ । मौरीपालन गर्न सिकेपछि व्यावसायिक रूपमा लाग्नुभएका उनको घरबाटै मह बिक्री हुने गरेको छ।

वार्षिक १६ लाखको कारोबार गरिरहेका पौरखी घर्तीले सात लाख बचत हुने बताए। एक किलो मह पाँच सयमा बिक्री गर्दै आएको उनले सुनाए।

वर्षा र शिशिरयाममा विशेष ध्यान दिए मौरीपालनबाट प्रशस्त प्रतिफल लिन सकिने भन्दै उनले मह उत्पादन र घार वृद्धि पनि सँगसँगै बढाउँदै लगेको बताउए। गुणस्तरीय मह भएकाले अधिकांश मह घरबाटै बिक्री हुने गरेको उनको भनाइ छ।

मौरीपालन व्यावसायिक रूपमा सुरु गरेदेखि अहिलेसम्म आम्दानीका लागि अन्य कुनै पनि स्रोत खोज्न नपरेको उनको भनुभव छ। बुढ्यौलीमा अन्य पेसा गर्न नसिकरहेको अवस्थामा मौरीपालन व्यवसाय निकै सहज भएको उनले बताए।

यस व्यवसायमा अलि बढी अध्ययनशील हुन आवश्यक रहेको छ र चरनका लागि घोराही उपमहानरको माथिल्लो भेगतिर लैजाने गरेको उनले जानकारी दिए।–रासस

प्रकाशित मिति: बुधबार, कात्तिक ७, २०८१ १८:००

प्रतिक्रिया दिनुहोस्