ग्वार्को फ्लाई ओभर पुगेर भौतिक मन्त्रीले भने– ‘निर्माण कार्यको ढिलासुस्ती सह्य हुँदैन’

पूर्वाधार

गृहपृष्ठ
पूर्वाधार

ग्वार्को फ्लाई ओभर पुगेर भौतिक मन्त्रीले भने– ‘निर्माण कार्यको ढिलासुस्ती सह्य हुँदैन’

क्यापिटल नेपालसोमबार, कात्तिक २६, २०८१

काठमाडौं। भौतिक पूर्वाधार तथा यातायात मन्त्री देवेन्द्र दाहालले ग्वार्कोमा निर्माणाधीन फ्लाई ओभरको स्थलगत निरीक्षण गरेका छन्। मन्त्रालयका उच्च अधिकारीहरुसहित मन्त्री दाहाल सोमबार बिहानै ललितपुरको ग्वार्को स्थित फ्लाई ओभर निर्माण स्थलमा पुगेका थिए।

निरीक्षणपछि मन्त्री दाहालले फ्लाई ओभर निर्माणको कामलाई गति दिन निर्देशन दिएका छन्।

साथै पूर्वाधार तथा विकास आयोजनाहरु निर्माण कार्यमा हुने ढिलासुस्ती सह्य नहुनेसमेत मन्त्री दाहालले बताए। उक्त फ्लाई ओभर काठमाडौंको सहरी तथा यातायात व्यवस्थापनमा महत्वपूर्ण हुने अपेक्षा राखिएको छ।

निरीक्षण टोलीमा मन्त्री दाहालसहित भौतिक मन्त्रालयका सचिव केशवकुमार शर्मा, सडक विभागका महानिर्देशक रामहरी पोखरेललगायतका अधिकारीहरु सहभागी थिए।

२०७८ सालको फागुन १२ मा सडक विभाग अन्तरगतको गुणस्तर तथा अनुसन्धान केन्द्रले निर्माण कम्पनी आशिष–समानान्तर–रेलिगेरको जोइन्ट भेन्चर (जेभी)सँग ठेक्का सम्झौता गरेको थियो।

थपिएको म्यादअनुसार २०८१ पुष ८ सम्म फ्लाई ओभर निर्माण सम्पन्न गर्नुपर्ने छ। ३० मिटर स्पान, ४ लेनको पुल बनाएर फ्लाई ओभर निर्माणाधीन छ।

प्रकाशित मिति: सोमबार, कात्तिक २६, २०८१ १३:२९

प्रतिक्रिया दिनुहोस्