मन्त्रिपरिषद् निर्णय सार्वजनिक नहुँदा प्राधिकरण बोर्ड बैठक रोकियो, मन्त्रालय पुगे कुलमान

पूर्वाधार

गृहपृष्ठ
पूर्वाधार

मन्त्रिपरिषद् निर्णय सार्वजनिक नहुँदा प्राधिकरण बोर्ड बैठक रोकियो, मन्त्रालय पुगे कुलमान

क्यापिटल नेपाल सोमबार, कात्तिक २६, २०८१

काठमाडौं। आइतबारको मन्त्रिपरिषद् बैठकले गरेको डेडिकेटेड र ट्रंकलाइन निर्णय सार्वजनिक नहुँदा नेपाल विद्युत् प्राधिकरण सञ्चालक समिति (बोर्ड) बैठक रोकिएको छ। सोमबार अपरान्ह ३ बजे ऊर्जा मन्त्रालयमा बस्ने गरी बोलाइएको बोर्ड बैठक ४ बजेसम्म सुरु हुन नसकेको हो।

यद्यपि प्राधिकरणका कार्यकारी निर्देशक कुलमान घिसिङ बैठकमा सहभागी हुन ३ बजे पहिला नै मन्त्रालय पुगिसकेका थिए। बोर्डका अन्य सदस्य पनि मन्त्रालयमै छन्। ऊर्जा मन्त्रालय स्रोतका अनुसार प्रधानमन्त्री तथा मन्त्रिपरिषद् कार्यालयले मन्त्रिपरिषद् बैठकको निर्णय नपठाउँदा प्राधिकरण सञ्चाक समितिको बैठक बस्न नसकेको हो।

निर्णय सार्वजनिक नभए पनि प्राधिकरणका कर्मचारीले मन्त्रिपरिषद् निर्णयमा विरोध गर्दै विज्ञप्ति निकालेका छन्। कर्मचारीले सर्वसाधारणले ६० दिनसम्म महसुल नबुझाउँदा विद्युत् काटिने हुँदा उद्योगका ग्राहकलाई पनि सोही नियम लागू हुनुपर्ने माग गरेका छन्।

आइतबारको मन्त्रिपरिषद् बैठकले लाल आयोगको प्रतिवेदन कार्यान्वयन गर्ने र सोमबार उद्योगमा लाइन जोड्ने निर्णय गरेको थियो। तर, उक्त निर्णय हालसम्म सार्वजनिक गरिएको छैन।

प्रकाशित मिति: सोमबार, कात्तिक २६, २०८१ १६:५७

प्रतिक्रिया दिनुहोस्